Den Akrab (och Acrab, Graffias, Elacrab, arabesch al-ʿaqrab "de (Stärebild) Skorpioun") ass den Numm vum Stär β (beta) Scorpii am StärebildScorpius. Een aneren historeschen Numm ass Graffias.
Den Akrab ass en Duebelstäresystem op enger Distanz vu 600 Liichtjoer. Den Haaptstär ass e blowäisse Stär vum Spektraltyp B1 mat enger visueller Magnitude vu +2,6m. De +5,1m helle blowäisse Begleetstär ass op engem Wénkelofstand vun 13,6" bei engem Positiounswénkel vun 21 Grad vum Haaptstär ewech.
Den Akrab kann als ekliptiknoer Stär vum Mound a (ganz seelen!) vu Planéite bedeckt ginn. Déi lescht Bedeckung vum Akrab duerch e Planéit war den 13. Mee1971 duerch de Jupiter, an déi virlescht Bedeckung war den 9. Dezember1906 duerch d'Venus.
