Pullina e capsicis,^[1] Sinice 辣子雞 lazi ji, est ferculum saepe in popinis Sichuanensibus oblatum. In urbicula Geleshan megalopolis Chongqing oriri censetur, ubi coqui gallinas apud villas rusticas circumiacentes emebant. Ferculum haud dissimile in Corea nomine "rajogi" paratur.

Pullus exossatus et in ofellas discissus, cute non reiecto, in zingiberi, cepullis candidis, vino Shaoxingensi, sale maceratur. Ofellae in oleo ferventi bis cito coquuntur et eximuntur. Allium et gingiber in oleo cum pulmento fabarum e capsico friguntur. Capsica siccata dissecata plura et zanthoxyli fructus imponuntur. Deinde adduntur ofellae pullinae, denuo sal saccharumque et sicera Shaoxingensis. Ferculo iam cocto instillitur oleum sesaminum modicum, insparguntur grana sesami adusta, et infertur.

• Fuchsia Dunlop, The Food of Sichuan (Londinii: Bloomsbury, 2019) pp. 196-197
• Fuchsia Dunlop, "Recipe: firecracker poussin with chillies" in Financial Times (17 Ianuarii 2014)
• Katya Knyazeva, "The search for the best la zi ji in Shanghai" in CNN Go (26 Ianuarii 2010)

• Gallina e paprica
• Jiaohua ji
• Rajogi