Megalopolis (Graece Magna Civitas = megalos magna, polis civitas) urbs in Arcadia/Graecia est. Incolae sive Megalopolitani sive Megalopolitae dicuntur.

Quae urbs condita est circa annos 371/367 a.C.n. ab Arcadibus ex Maenalia et ex Parrhasia venientibus, ut caput fieret Foederis Arcadici^[1]. Tunc enim Thebani, quibus hegemonia in Graecia ex Epaminondae victoriis contigerat, libertatem Arcadum a Spartanorum inceptis tueri volebant, quos nuper pugna Leuctrica vicerant. Itaque instigatores et fautores^[2] huius urbis condendae fuere. Tertio saeculo a.C.n. civitas Meglopolitanorum a tyrannis regebatur, quorum notissimus fuit Lydiadas qui anno 234 a.C.n. civitatem suam Foederi Achaico adscripsit et ter strategus huius Foederis electus est. Antequam Romani domini totius Graeciae fierent, Megalopolitani multa bella a Lacedaemoniis sibi inlata sustinuerunt^[3] : hieme 223/222 a.C.n. urbs a rege Cleomene III capta et magna ex parte deleta est^[4]. Mox tamen restituta tempore strategi Philopoeminis primas partes in Foedere Achaico ineunte secundo saeculo a.C.n. egit^[5].

• Philopoemen, dux Foederis Achaici.
• Polybius, filius Lycortae, historicus.

• Demosthenes, De Megalopolitanis
• Pausanias libro octavo Graeciae descriptionis cap. 24.9 et 27 et 30-33

• Paul Herthum . De Megalopolitarum rebus gestis et de communi Arcadum republica, Teubner, 1894. Recensio critica
• Madeleine Jost, "Pausanias en Mégalopolitide", Revue des Études Anciennes, 1973ː 241-267
• James Roy, "The urban layout of Megalopolis in its civic and confederate context" in British School at Athens Studies, Vol. 15, BUILDING COMMUNITIES: House, Settlement and Society in the Aegean and Beyond, 2007ː 289-295

Situs geographici et historici: Locus: 37°24′0″N 22°8′0″E • GeoNames • Digital Atlas of the Roman Empire

• 
  Megalopolis planitie
• 
  Megalopolis planitie
• 
  Megalopolis

Haec stipula ad urbem spectat. Amplifica, si potes!