Plotinopolis (Graece Πλωτινούπολις) fuit urbs Graeca ab imperatore Traiano post bella Dacica circa 106 in Thracia ad Hebri fluminis ripam condita et ita appellata in honorem uxoris Pompeiae Plotinae. Ad viam Egnatiam iacebat inter Traianopolim et Hadrianopolim. Ab imperatore Antonino Pio usque ad Caracallam nummi aenei a Plotinopolitanis percussi inveniuntur. Tertio saeculo exeunte urbs in Haemimontum contributa est quae pars erat dioecesis Thraciae a Diocletiano creata (caput Hadrianopolis). Deinde sedes episcopalis facta est et nomen antiquum nisi in ecclesiasticis titulis non superfuit.

Hodie ruinae prope parvam urbem Didymotika (Graece Διδυμότειχο) reliquiae Plotinopolis esse creduntur.

• M. Tasaklaki , The Coinage of Plotinopolis and Topeiros. A Contribution to the History of the Roman Province of Thrace, Cercyrae, 2020 Hic habes Anglicum summarium

• Vicimedia communia plura habent quae ad Plotinopolim spectant.
• Catalogus nummorum Plotinopolitanorum a Nicolao Moushnov elaboratus
• Plotinopolis apud Terrabook.
• Corpus nummorum online