Oryza glumaepatula^[1] est species Poacearum, O. sativae productricis cerealis oryzae cognata, quae in media America, America australi et praesertim Amazonia sponte gignit. Ibi in Surinamia medio saeculo XIX culta est.^[2] Etiam recentius populus Guató regionis Pantanal semina silvestria O. glumaepatulae colligebant, sole siccabant, elixabant.^[3]

An hanc speciem sub nomine avena, ab indigenis usitatam, inter flumina Madeira et Tapajós reppererint illi qui cum Francisco de Orellana Amazonum flumen (primi omnium nobis cognitorum) anno 1541 navigabant, incertum est: "Hic multum maizium repertum est (ibidemque multa avena) e quo Indi panem conficiunt optimumque vinum modo cervesiae quod hic valde abundat".^[4] Eadem in regione abhinc fere 4 000 annis fortasse domesticata est, testibus archaeologis qui phytolitha magnitudinis semper crescentis, aut huius aut cognatae speciei, in effossione loci olim habitati Monte Castelo provinciae Rondoniae.^[5]

• Ieda Maria Bortolotto et al., "Knowledge and use of wild edible plants in rural communities along Paraguay River, Pantanal, Brazil" in Journal of Ethnobiology and Ethnomedicine vol. 11 (2015)
• Eric J. Fuchs et al., "Genetic diversity in Oryza glumaepatula wild rice populations in Costa Rica and possible gene flow from O. sativa" in PeerJ (7 Aprilis 2016)
• Lautaro Hilbert et al., "Evidence for mid-Holocene rice domestication in the Americas" in Nature: Ecology and Evolution (2017)
• Camila Pegoraro et al., "Oryza glumaepatula Steud." in Tapan K. Mondal, Robert J. Henry, edd., The Wild Oryza Genomes (Springer, 2018) pp. 127-136(Paginae selectae apud Google Books)
• Rosana Pereira Vianello Brondani et al., "Genetic Structure of Wild Rice Oryza Glumaepatula Populations in Three Brazilian Biomes Using Microsatellite Markers" in Genetica vol. 125 (2005) pp. 115–123
• Ethel Sánchez, Ana M. Espinoza, "Ultrastructure of Oryza glumaepatula, a wild rice species endemic of tropical America" in Revista de Biología Tropical vol. 53 (2005)
• Joshua C. Stein et al., "Genomes of 13 domesticated and wild rice relatives highlight genetic conservation, turnover and innovation across the genus Oryza" in Nature Genetics vol. 50 (2018) pp. 285–296
• Ernestus de Steudel, Synopsis plantarum glumacearum vol. 1 (1853) p. 3
• Elizabeth Ann Veasey et al., "Genetic diversity of American wild rice species" in Scientia Agricola vol. 68 (2011)

Situs scientifici: Tropicos • GRIN • ITIS • NCBI • Biodiversity • Plant Name Index • IUCN Red List • INPN France