Naupactus^[1] (Graece: Naúpaktos 'antiqua Lepanto') est urbs et municipium in Acarnania in Graecia, apud aditum ad sinum Corinthium iacens. Urbs est praeclara propter proelium ibi pugnatum die 7 Octobris 1571 inter civitates Europaeas et Imperium Ottomanum.

Naupactus quinto saeculo a.C.n. civitas Atheniensium socia fuit, quorum consilio et auxilio circa 556/5 a.C.n. Messenii hilotae qui decimum iam annum in Monte Ithome a Lacedaemoniis obsidebantur, salvos e Peloponneso abituros cum hostibus pacti ibi consederunt^[2]. Quocirca illi Messenii bello Peloponnesiaco Atheniensibus fidelissimi fuerunt et portum eis praebuerunt ad bellum insulis Maris Ionii et Aetoliae et Peloponnesi litori e sinu Coronthiaco inferendum^[3].

• Ioannes Apocaucus