Lucius Apuleius Madaurensis (Madaurae in provinciaAfricana anno circiter 125 natus; anno circiter 180 mortuus) fuit scriptor, philosophus, orator. Neque umquam negavit se Africanum, rectius "Seminumidam et Semigaetulum" esse.
Opera Apuleii
Apuleium in eis esse numerandum, qui post rem publicam liberam amissam a sophistis veteribus profecti sunt, ex partibus orationumgeneris demonstrativi apparet, quae Florida inscriptae extant:
Floridis cum audientes delectare vellet, hac oratione, quam ante annum 160 habuisse videtur, iocis remotis serio causam dici oportuit. Oratori itaque accusator refellendus, iudex conciliandus erat. Quamobrem omnia hic invenies, quibus niti solebat, qui causas egit. Quodsi tamen Apuleium ad sophistas illos recentiores respexisse constat, id eo efficitur, quod eruditionem ubique ostendit ingentem, scriptores omnium generum saepe repetivit, saepe digressus mores castigavit hominum, multis collationibus argumenta narratiunculisque ornavit, multos denique sales aspersit. Quae cum ita sint, dubium non est, quin Apuleius hoc tanto ornatu non eis tantum, qui in foro se audirent, sed ceteris etiam, quos se lecturos speraret, placere voluerit.
Vincent Hunink, ed., Apuleius of Madauros: Pro Se De Magia (Apologia). 2 voll. Amstelodami: Gieben, 1997 Textus interretialis
Collection des Universités de Franceː Metamorphoses, tria volumina, 1940-1945 curantibus D.S. Robertson et Paul Valette; Apologia, Florides curante Paul Valette, 1922
