Carolus-Hermannus Flach (natus Regiomontii 17 Octobris 1929; mortuus Francofurti 25 Augusti 1973) fuit diurnarius et vir publicus Germanicus et sodalis Factionis Democraticae Liberalis Germaniae.

Anno 1946 Flach factionem liberalem (LDP) Zonae Sovieticae Germaniae accessit diurnarius apud actis diurnis huius factionis Suerini laboravit. Sed quod homines, qui doctrinam communistam repudiaverunt, in Zona Sovietica persequebantur, anno 1949 Berolinum Occidentalem fugit. Annis ab 1949 ad 1953 Berolini rebus politicis studebat. Deinde Francofurti et Bonnae diurnarius laborabat.

Anno 1956 in praetorio FDP Bonnae, certamen suffragiorum anni proximi una cum Wolfgango Döring rexit. Annis ab 1959 ad 1962 procurator FDP fuit, et factionem in certamen electionis anni 1961 duxit. Sed tum de consiliis politicis cum praeside FDP Erico Mende controversias habebat et vitam publicam reliquit. Iterum diurnarius Francofurti laboravit. Ibi et pro foedere FDP cum SPD nitebatur. Quo foedere anno 1969 constituto Flach anno 1971 secretarius generalis suae factionis factus est. Anno 1972, etiam legatus Dietae Foederalis Germaniae electus est. Mense Augusto 1973 ictu profligatus, paucis diebus post mortuus est.

• Curriculum vitae Instituti Fridericus Naumann (lingua Theodisca)
• Elogium factionis FDP (25 Augusti 2008) (lingua Theodisca)^{[nexus deficit]}

Secretarii generales Factionis Democraticae Liberalis Germaniae

Carolus-Hermannus Flach · Martinus Bangemann · Gunterus Verheugen · Irmgarda Adam-Schwaetzer · Helimutus Haussmann · Cornelia Schmalz-Jacobsen · Uwe Lühr · Wernerus Hoyer · Guido Westerwelle · Cornelia Pieper · Theodericus Niebel · Christianus Lindner · Patricius Döring · Nicola Beer · Linda Teuteberg