Eminem (di jdb. 17ê çiriya pêşîn a 1972an de wek Marshall Bruce Mathers III ji dayika xwe bûye) stranvanekî amerîkî ye. Ew pêştir rapvanekî bi nav û deng bû, û paşê jî bi karê xwe yê aktorbûnê serkeftî bû.[çavkanî hewce ye]
Ew li Saint Joseph, Missouri (DYA) çêbûye û li Detroitê mezin bûye.
Jiyana wî
Li gorî zehfên agahdariyan, malbata Mathers pir hejar bû. Têkiliya Eminem bi diya w' re pir zext bû, mîna ew di stranê xwe 'Cleaning Out My Closet' ('Dolabê xwe paqij bikim') de dibêje, û Eminem jî terkî xwendegeha paşîn kir li emrê 17 (berî vê ew jî 3 caran di sala xwendegehê ya 9êmîn de mabû). Lê piştî 12 salan piştî strana 'Cleaning Out My Closet' lê borîn ji diya xwe xwestiye di strana 'Headlights' ya u di albûma The Marshall Mathers LP 2 li sala 2013 an de.
Bûyerek ku jî pir bandorî wî kir, mirina xalê wî Ronald Dean 'Ronnie' Polkingharn, ku tenê jê 3 mehên meztir bû. Eminem di stranên xwe de carina behsa wî dike. Mînak di strana d-12 a 'How Come' ('Çawa dibe') de, ew li ser têkiliya xwe bi hevalekî xwe ya kevn re diaxive, û ew li ser xalê xwe wilo dibêje : 'Dema Ronnie mirîye, tu li kêleka min bû, bi milekî ji bona ku ez li ser wî bigrîm û desmalek ji bo çavên min zuha bike, û satilek ji bo têde bigre her hêstir min girîye'.
Di salên xwe yên xwendegehê de jî, wî li emrê 15 hevala xwe ya kevn û diya keça wan Kimberly Ann 'Kim' Scott naskir. Kimberly Scott keçika wan ya navê wê Hailie Jade Scott e li 25 Cila Navîna 1995 anî dinê, û Marshall û Kim li 14ê hezîranê 1999 zewicîn. Eminem jî stranên xwe de pir behsa keçika xwe dike, û çend stranan mîna '97 Bonnie & Clyde', 'Hailie's Song' ('Strana Hailie'), 'Mockingbird' ('Çûka qerfê'), û 'When I'm Gone' ('Dema ez çûme') bi tevahî li ser û ji bo Hailie ne.
Pîşe û berhemên wî
Ji emrekî genc bala wî dabû muzîka rap, û kinga 13 salî bû dest bi rapkirinê kir, li nav grubekî bi navê 'Soul Intent'. Paşê, li sala 1996, wî albuma xwe ya pêşîn derxist, navê vê albumê 'Infinite' ('Bêdawî') bû. Teva ku albûm rastî serfirazî nehatibû, Eminem karê xwe berdewam kir û li sala 1997, wî demo-cd xwe 'The Slim Shady EP' derxist. Xelk dibêjin ku hunermendê mezin ê rap, endamê kevn ê NWA û hilberîner Dr.Dre vê cdê li garajê Jimmy Iovine (patronê Interscope Records) bihîst û biryar da ku bi Eminem re kontrayekê navîş ke, Eminem jegraway Tupac w ba dewam rappery amrica ye.
Serfiraziya wî
Bi vê kontraya Interscopê, Eminem albûma xwe ya didyan, 'The Slim Shady LP' sala 1999 derxist. Ev albûm rastî serfirazîyeke pir mezin hat, û Eminem pir zû bû stareke pir mezin li her aliyê cîhanê. Strana albumê ya herî navdar, straneke bi navê 'My Name Is' ('Navê min e'), têde Eminem bi awayekî biken xwe dide naskirin.
Tenê saleke paşê, li gulanê 2000, Eminem albuma wî ya sêyem jî derxist, 'The Marshall Mathers LP'. Strana albûmê ku single ya pêşîn bûbû, 'The Real Slim Shady', bû pir nav û deng û çend stranên dîn, mîna 'The Way I Am' ('Ez çawa me') û 'Stan' jî hêj pir navdar in.
Paşê jî Eminem sê albumên dîn derxist, 'The Eminem Show' (2002), '8 Mile Soundtrack' (muzîka fîlmê '8 Mile', 2002) û 'Encore' (2004).
Projeyên wî ên dîn
Ji bilî albumên xwe, Eminem jî bi pir tiştên dîn mijul bûbû. Ew endamekî gruba rap D-12 e, ku heta vîsta du albûm derxistin. Ew jî di fîlmê 8 Mile de aferînekî sereke dilîst, ku navê wî 'Jimmy Rabbit' bû. Wî jî muzika vê fîlmê çêkir, û jiboy vê êk Academy Awards a 'Best Song' ('Strana Herî Baş') jî li sala 2003 girt.
Dîskografî
Fîlmnîgarî
Pirtûk
| Sernav
|
Sal
|
Rûpel
|
| Angry Blonde
|
2000
|
148
|
| Whatever You Say I Am: The Life and Times of Eminem
|
2003
|
278
|
| The Way I Am
|
2008
|
208
|
Çavkanî
|
|---|
| Navneteweyî | |
|---|
| Neteweyî | |
|---|
| Akademîk | |
|---|
| Hunermend | |
|---|
| Însan | |
|---|
| Yên din | |
|---|
