მიხეილ იოსების ძე გოგოლაშვილი (დ. 28 მარტი [ძვ. სტ. 15 მარტი], 1902, სოფ. ჩანჩეთი, ახლანდ. ლანჩხუთის მუნიციპალიტეტი — გ. 11 მარტი, 1957, ოდესა] — ქართველი მეზღვაური, შორეული ნაოსნობის კაპიტანი.
ბიოგრაფია
დაამთავრა ბათუმისა (1922) და ხერსონის (1936) საზღვაო სასწავლებლები. 1935 წელს დაინიშნა ბათუმის პორტის კაპიტნად. იყო შავი ზღვის ფლოტის შორეული ნაოსნობის კაპიტანი 1943 წლიდან. მეორე მსოფლიო ომის დროს მონაწილეობდა ოდესის მოსახლეობის ევაკუაციასა და საბჭოთა ჯარების საწვავით მომარაგებაში. გემებით გადაჰქონდა საწვავი ევროპის, ახლო და შორეული აღმოსავლეთის ქვეყნებში, აფრიკასა და ამერიკის კონტინენტებზე. მიღებული აქვს სამოქალაქო და სამხედრო ჯილდოები. დაკრძალულია ბათუმში.
ლიტერატურა
რესურსები ინტერნეტში
