The Song Remains the Same — ინგლისური მძიმე როკ-ჯგუფ ლედ ზეპელინის სიმღერა 1973 წლის ალბომიდან Houses of the Holy.
მიმოხილვა
სიმღერაში ჟღერს გიტარისტ ჯიმი პეიჯის სოლო, ჩაწერილი რამდენიმე ტრეკზე. პეიჯი მას ასრულებს Gibson EDS-1275 ტიპის ორგრიფიან 12 სიმიან გიტარაზე.[1].
თავდაპირველად კომპოზიცია ჩაფიქრებული იყო, როგორც ინსტრუმენტული "The Overture",[2], თუმცა მოგვიანებით პლანტმა მას ლირიკა დაამატა და შეცვალა სახელწოდება The Campaign-ზე, საბოლოოდ კი - The Song Remains the Same-ით.[3] ჟურნალში Guitar World 1993 წელს პეიჯის ინტერვიუში გაჟღერდა, რომ ეს უნდა ყოფილიყო "The Rain Song"-ის უვერტიურა, მაგრამ რობერტს განსხვავებული წარმოდგენა ჰქონდა და სურდა ამ ორი კომპოზიციის ნაწილებად დაშლა. დემო ვერსიის ჩაწერა მიმდინარეობდა ჯიმის აუდიოკასეტიანი ჩამწერით. სხვა დროს, სრულიად მოულოდნელად მოსული იდეებით იქნა ჩაწერილი სხვა სიმღერებიც, მაგალითად, Stairway.
პლანტის ვოკალური ტრეკი ამ ჩანაწერისათვის ოდნავ შეცვალეს ტემპში, ამიტომ ვოკალი უფრო ’ახალგაზრდულად’ და სუფთად ჟღერს. ჩანაწერზე ასევე ისმის ტელეკასტერის სოლო.
სიმღერა პირველად სრულდებოდა 1972 წლის ტურნეზე. 1972-1975 წლებში სიმღერის შესრულება არ წყდებოდა და პირდაპირ უერთდებოდა კომპოზიციას The Rain Song. ცოცხალი წარდგენისას ჯიმი პეიჯი იყენებდა გიტარას Gibson EDS-1275 ორმაგი გრიფით.
კომპოზიცია ასევე ხსნიდა კოლექტივის 1977 წლის კონცერტებს და კონცერტებს ნებუორთში, 1979 წელს. 1980 წლის ტურის მსვლელობისას იგი ამოიღეს სიიდან. 2007 წელს აჰმეტ ერტეგუნისადმი მიძღვნილი კონცერტის ფარგლებში სიმღერა კვლავ შესრულდა.
"The Song Remains the Same" აგრეთვე ჟღერს 1976 წლის ფილმში „The Song Remains the Same“.
ფორმატები და სიმღერების სია
1973 წლის 7" სინგლი (Thailand: Atlantic TK769 ST-H)
- A. "The Song Remains the Same" (პეიჯი, პლანტი) 5:30
- B1. "The Ocean" (პეიჯი, პლანტი, ბონემი, ჯოუნსი) 4:31
- B2. "Dancing Days" (პეიჯი, პლანტიt) 3:43
პერსონალი
ქავერ-ვერსიები
წყაროები
- ლუისი, დეივ (2004) The Complete Guide to the Music of Led Zeppelin, ISBN 0-7119-3528-9
- უელჩი, კრის (1998) Led Zeppelin: Dazed and Confused: The Stories Behind Every Song, ISBN 1-56025-818-7
სქოლიო
