„Midnight“
სინგლი — Coldplay
ალბომიდან Ghost Stories
გამოსვლის თარიღი	19 აპრილი 2014
ჩაიწერა	2013, The Bakery და The Beehive (ლონდონი, ინგლისი)
ჟანრი	ემბიენტი, ექსპერიმენტული როკი, ელექტრონული მუსიკა[1]
ხმისჩამწერი ლეიბლი	Parlophone, Atlantic
ავტორ(ებ)ი	გაი ბერიმენი, ჯონი ბაკლენდი, უილ ჩემპიონი, ჯონ ჰოპკინზი, კრის მარტინი
პროდიუსერი	ჯონ ჰოპკინზი
Coldplay — სინგლების ქრონოლოგია
„Magic“ (2014) „Midnight“ (2014) „A Sky Full of Stars“ (2014)

„Midnight“ — ბრიტანული როკ-ჯგუფ Coldplay-ს სიმღერა, დაწერილი პროდიუსერ ჯონ ჰოპკინზის მონაწილეობით. იგი ჩაიწერა ჯგუფის მეექვსე სტუდიურ ალბომ Ghost Stories-თვის. ეს არის ალბომის რიგით მეხუთე სიმღერა. მისი მუსიკალური ვიდეო გამოვიდა 2014 წლის 25 თებერვალს.^[2]

"Midnight"-ის 7" სინგლი გამოვიდა 2014 წლის გრამფირფიტების მაღაზიის დღის აღსანიშნავად.

სიმღერა აგებულია ორიგინალურ კომპოზიციაზე, რომელიც 2003 წელს პროდიუსერ ჯონ ჰოპკინზის მიერ დაიწერა.^[3]

სიმღერა ჯგუფის მიერ მეექვსე სტუდიურ ალბომზე მუშაობისას ჩაიწერა, სტუდიებში The Bakery და The Beehive (ლონდონი, ინგლისი), რომლებშიც ჩაიწერა წინა ორი ალბომი, Viva la Vida or Death and All His Friends და Mylo Xyloto. კრის მარტინის ვოკალი ამ სიმღერაში ვოკოდერის ეფექტით ჟღერს.

"Midnight" ცოცხლად ჯგუფის მიერ პირველად შესრულდა iTunes-ის ფესტივალის ფარგლებში, SXSW-ზე, 2014 წლის 12 მარტს, ტეხასში.

სიმღერის 5 წუთიანი მუსიკალური ვიდეო, რომელიც მერი უიგმორმა გადაიღო, ვიდეოჰოსტინგის საიტ Vevo-ზე, ულან ბატორის დროით 2014 წლის 25 თებერვალს ღამის 12 საათზე გამოვიდა.^[1] იგი თითქმის მთლიანად ჰიპერსპექტრული და ნეგატიური გამოსახულების სახით არის წარმოდგენილი, სხვადასხვა ვიზუალური ეფექტით. გამოქვეყნებიდან 24 საათის განმავლობაში იგი 1 მილიონჯერ იქნა ნანახი. ორი დღის ნახვების რაოდენობა 3 მილიონამდე ავიდა, ხოლო 4 მარტისთვის - 8 მილიონამდე.

Coldplay

• გაი ბერიმენი - ლაზერული არფა
• ჯონი ბაკლენდი - გიტარა
• უილ ჩემპიონი - პერკუსია
• კრის მარტინი – ვოკალი