ნიაგარის რეგიონული მუნიციპალიტეტი, ან უბრალოდ ნიაგარის რეგიონი წარმოადგენს სამხრეთი ონტარიოს შემადგენლობაში შემავალ თორმეტიდან ერთ-ერთ რეგიონულ მუნიციპალიტეტს.
აღმოსავლეთით შემოსაზღვრულია ნიაგარის მდინარეთი, რომელიც ასევე წარმოადგენს საზღვარს აშშ-თან. ჩრდილოეთით ესაზღვრება ტბა ონტარიო და სამხრეთით ერის ტბა.
უნიკალური ლანდშაფტი ნიაგარას აქცევს სოფლის მეურნეობისა და ტურიზმის მნიშვნელოვან ცენტრად კანადაში. ყველაზე მნიშვნელოვანი მიმართულება სოფლის მეურნეობაში მეყურძნეობა და მეღვინეობაა. აქ მდებარეობს სახელგანთქმული ნიაგარის ჩანჩქერი, რაც ტურისტებისთვის მეტად მიმზიდველს ხდის ამ რეგიონს. ნიაგარას რეგიონში ტურისტების რაოდენობა ყოველწლიურად თორმეტ მილიონს აღწევს.
