გუჯარეთისწყალი
გუჯარეთისწყალი სოფ. ტიმოთესუბანთან
სხვა სახელი	ჩარხისწყალი
ქვეყანა	საქართველო
ტერიტორიული ერთეულები	ბორჯომის მუნიციპალიტეტი (სამცხე-ჯავახეთის მხარე)
ქალაქები	დაბა წაღვერი
სათავე	მურყნევის მთა 41°47′15″ ჩ. გ. 43°47′04″ ა. გ. / 41.787500° ჩ. გ. 43.784556° ა. გ. / 41.787500; 43.784556
სათავის სიმაღლე	2060 მ
შესართავი	მტკვარი 41°50′52″ ჩ. გ. 43°24′33″ ა. გ. / 41.848000° ჩ. გ. 43.409194° ა. გ. / 41.848000; 43.409194
სიგრძე	43 კმ
აუზის ფართობი	326 კმ²
წყლის ხარჯი (საშ.)	3,24 მ³/წმ
— სათავე, — შესართავი
გუჯარეთისწყალი ვიკისაწყობში

გუჯარეთისწყალი (ჩარხისწყალი) — მდინარე ბორჯომის მუნიციპალიტეტში, თრიალეთის ქედის ჩრდილოეთ კალთაზე, მტკვრის მარჯვენა შენაკადი. სათავე აქვს მურყნევის მთის სამხრეთ კალთაზე. ზღვის დონიდან 2060 მ სიმაღლეზე. სიგრძე 43 კმ, აუზის ფართობი 326 კმ².

მთავარი შენაკადებია მიტარბულა და ბაკურიანისწყალი. საზრდოობს თოვლის, წვიმისა და მიწისქვეშა წყლით. წყალდიდობა იცის გაზაფხულზე, წყალმცირობა — ზაფხულსა და ზამთარში. საშუალო წლიური ხარჯი წაღვერთან 3,24 მ³/წმ. ზამთარში დამახასიათებელია ყინულნაპირისი, თოში, ყინულსაფარი. მდინარის ნაპირებზე მრავალი სოფელია გაშენებული, მათ შორის კურორტი წაღვერი.

• აფხაზავა ი., ენციკლოპედია „საქართველო“, ტ. 2, თბ., 2012. — გვ. 237–238.