Vitamin C

struktur kimia vitamin C

Vitamin C iku salah siji vitamin sing larut sajeroning banyu.[1] Vitamin C diperlokaké awak kanggo nggawé kolagén ing jero|jéro balung, balung rawan, otot, pembuluh gètih lan ngréwangi nyerep zat wesi.[1] Saliyané iku, vitamin C uga bisa ngrewangi nggawé lan ngrumati zat perekat sing nyambungake sel-sel ing jaringan ing jero awak.[2] Vitamin kang uga duwé jejuluk asem askorbat iki duwé wujud kristal putih.[3] Vitamin C bakal luwih awèt kandhungané nalika dhapuré padhèt, yèn ing wujud larutan vitamin C bakal rikat rusak amarga oksidasi hawa lan oksigèn.[3]

Mumpangate Vitamin C

Vitamin C kang duwé akèh mumpangat kerep|kèrép diceluk dadi rajané vitamin.[4] Ing ngisor iki ana pirang-pirang bab kang dadi mumpangaté vitamin C.[4]

  1. Antioksidan paling apik. Vitamin C bisa ngalangi radikal bébas lan menétralisir sadurungé radikal bébas ngrusak sel awak.[5] Dosis konsumsi vitamin C sing pas yaiku 75|75 miligram saben dina.[4] Ibu sing lagi ngandut lan nyusoni merlokaké dosis sing luwih akèe saka jumlah dosis mau.[4] Kira-kira 200 miligram sadina.[4] Déné kanggo wong-wong sing mapan ing kutha gedhé kaya Jakarta dosis sing diperlokaké bisa nganti 500 miligram sadina.[4] Vitamin C dadi antioksidan paling apik amarga:*Vitamin C rikat larut ing banyu.[5] Banyu iku rikat nyebar ing awak, dadiné vitamin C iku bisa rikat nyèbar ing awak.[5]*Antioksidan kuat liyané kaya ta Vitamin É lan ènzim antioksidan kaya superoksida dismutase (SOD) lan glutathione prelu Vitamin C supaya bisa kerja kanthi apik.[5]*Vitamin C uga diprelokan enzim-enzim liyané kanggo ngumpulaké lan nyaring racun kaya timah lan zat polutan ing jero awak.[5]
  2. Ngudhunake resiko lelara jantung.
  3. Marasake flu/pilek luwih rikat.
  4. Ngudhunake kadar kolesterol.
  5. Ngudunake tekanan getih.
  6. Ngundhakake sistem kekebalan awak.
  7. Marasake borok.
  8. Ampuh nglawan alergi.
  9. Ngrawat kulit.
Jeruk, salah sijiné sumber kandhutan vitamin C kang palih akèh.

Kurang vitamin C

Kakurangan vitamin C bisa marakake awak ngalami defisiensi vitamin C, anemia, radang busi ,lan pendarahan kulit.[6] Gejalane lumrahé bisa dingeti telung sasi wiwit kekurangan vitamin C.[6] Tandha-tandhane yaiku.

  1. Gusi aboh, wernane semu abang, yèn kesampluk sithik bisa marakake getihen.
  2. Ing kulit katon totol-totol abang utawa ing sakupenge rambut wernane semu biru.
  3. Persendian ngalami pendarahan, aboh, katon abang lan krasa cekot-cekot.
  4. Angel ambekan, tensi cendhek, lan dhadha krasa lara.

Cathetan suku

  1. ↑ a b dhokter-herbal.com[pranala mati permanèn]
  2. ↑ "smallcrab.com". Diarsip saka sing asli ing 2020-10-01. Dibukak ing 2016-03-02.
  3. ↑ a b www.researchgate.net
  4. ↑ a b c d e f organisasi.org
  5. ↑ a b c d e "smallcrab2". Diarsip saka sing asli ing 2020-10-01. Dibukak ing 2016-03-02.
  6. ↑ a b "pio.farmasi.asia". Diarsip saka sing asli ing 2011-04-03. Dibukak ing 2011-05-29.

Information related to Vitamin C