Prefektur Shiga (滋賀県,Shiga-ken?) inggih punika satunggaling prefekturJepang ingkang mapan wonten ing sisih lor-wétan Kinki, pulo Honshu[1]. Kutha krajanipun punika Otsu. Prefektur Shiga kalebet salah satunggal saking prefektur ing Jepang ingkang dipunkurung déning dharatan. Ing tengahing wewengkon wonten Tlaga Biwa ingkang manggèni 1/6 wiyaripun wewengkon Prefektur Shiga lan kalebet tlaga ingkang paling wiyar ing Jepang. Kutha-kutha mapan wonten ing sakiwa tengenipun Tlaga Biwa.
Ing tengahing wewengkon radi lllor|lèr]] wonten Tlaga Biwa ingkang dipunubengi ing sisih kilèn kaliyan Pagunungan Hira, ing sisih lèr kaliyan Pagunungan Nosaka, ing sisih wétan kaliyan Pagunungan Ibuki lan larikan Pagunungan Suzuka. Wonten ing sisih kidul Tlaga Biwa wonten Lembah Ōmi lan perbukitan Minaguchi. Lèpèn-lèpèn kados Lèpèn Ado, Lèpèn Echi, lan Lèpèn Yasu gadhah muara ingkang tumuju ing Tlaga Biwa. Lèpèn Seta punika kalebet satunggaling lèpèn ingkang mili ngliwati Kyoto lan mawi muara ing Lempongan Osaka. Wewengkon ing sakiwa tengenipun tlaga dipunparingi nama kados Kohoku (sisih lèr tlaga), Kosei (sisih kilèn tlaga), Kotō (sisih wétan tlaga), lan Konan (sisih kidul tlaga). Nalika mangsa adhem wewengkon pérangan lèr langkung adhem lan ugi langkung kathah mandhap salju tinimbang ing wewengkon pérangan kidul ingkang langkung anget.
Kutha
Wonten ing Prefektur Shiga kapérang dados 13 kutha, 5 dhistrik, lan 13 kutha alit.
Prefektur Shiga papanipun celak kaliyan kutha-kutha ageng kados Kyoto lan Osaka saéngga kathah dinggèni déning penglaju. Sarana transportasi sepur (kereta api) ingkang saé lan pambangunan komplèks griya damel cacahipun penduduk ing Prefektur Shiga tansah nambah terus. Pusat pamukiman penduduk mapan wonten ing pérangan kidul Tlaga Biwa kados kutha Otsu ingkang tetanggan kaliyan Kyoto ugi kutha-kutha ing pérangan wétan Tlaga Biwa (kutha Kusatsu lan Moriyama) ingkang gampil dipunakses mawi sepur saking Kyoto. Ing pérangan pasisir kilèn Tlaga Biwa wonten laladan padésan lan papan pariwisata.
