Kanggé kagunan sanès saking ', mangga mriksani [[]].

Kutha Osaka (大阪市, Ōsaka-shi^?)  rungokna (pitulung·info) iku kutha katelu-gedhé dhéwé ing Jepang, kanthi populasi 2,7 yuta wong.

Kutha iki ana ing pulo Honshu, ing cangkem Kali Yodo ing Lempongan Osaka. Kutha iki wujud salah siji pusat indhustri lan pelabuhan utama, uga kutha krajan Prefektur Osaka lan pérangan pusat saka laladan metropolitan Osaka-Kobe-Kyoto. Ing sisih wétan, Osaka wewatesan karo Kyoto lan Nara, lan ing sisih kulon karo kutha Kobe. Osaka wujud péranganing wewengkon Kansai.

Osaka wujud sawijining metropolis banyu, mawa kali-kaliné lan gunggung kreteg paling akèh ing Jepang nganti ora kaétung gunggungé. Miturut wong Jepang, ana "808 yasan kreteg" ing Osaka. Konon kanggo wong Jepang, angka "808" wujud gunggung kang akèh banget, lan padha tegesé karo ora kaétung. Sejatiné gunggung kreteg kang ana ing Osaka yaiku 790, ing antarané, 761 kreteg kang dikelola déning pamaréntah kutha Osaka.

Ana loro pusat kutha ing Osaka, yaiku Umeda ing sisih lor, lan Namba ing sisih kidul. Kaloro pusat kutha iki dihubungaké déning dalan utama kang jenengé Midosuji. Kantor-kantor padagangan, bank, lan konglomerat Jepang lumrahé kapusat ing saubengé Dalan Midosuji. Pasawangan Dalan Midosuji mawa godhong-godhong wit Ginkgo kang nguning ing mangsa palastra éndah banget.

Wikiplesir duwé panuntun plesir ngenani Osaka.

Wikimedia Commons duwé médhia ngenani Category:Osaka.

• Panduan pariwisata Osaka Archived 2003-04-02 at the Wayback Machine.
• Situs web resmi pamaréntah kutha Osaka Archived 2008-10-09 at the Wayback Machine.
• Cara mengirim paket ke Jepang