Papua Kidul ya iku salah sawijining provinsi ing Indonésia kang dimekarké saka Provinsi Papua.[1] Kutha krajané ana ing Kabupatèn Merauke, pernahé ing Kota Terpadu Mandiri (KTM) Salor, Distrik Kurik 56 km saka Kutha Merauke.[2] Provinsi iki dimekarké saka Provinsi Papua bareng karo rong provinsi liyané, ya iku Papua Pagunungan lan Papua Tengah miturut Undhang-undhang Nomor 14 Tahun 2022.[3] Wiwitané pamekaran Provinsi Papua Kidul dumadi saka limang kabupatèn, ya iku Kabupatèn Asmat, Kabupatèn Boven Digoel, Kabupatèn Mappi, Kabupatèn Pegunungan Bintang, lan Kabupatèn Merauke. Amarga dideleng saka pernahé wewengkon, Kabupaten Pegunungan Bintang dumadi ing pérangan saka Provinsi Papua.[4][5]
