Radèn Panji Asmarabangun ngluru garwané kang ilang, Dèwi Sekartaji
Panji (sadurungé diéja Pandji) kuwi radèn kang nglegéndha ana ing Jawa Wétan, Indhonésia. Lakoné dadi dhasaré siklus carita-carita Jawa lan, bareng karo Ramayana lan Mahabharata, dadi dhasaré manéka kakawin lan aliran wayang kang kawentar ing Jawa Wétan aran wayang gedog ("gedog" tegesé "topèng").[1] Carita-carita Panji njiwani jogèd tradhisional Indhonésia, mligi jogèd topèng Cirebon karo Malang. Carita-carita Panji wis sumebar metu Jawa Wétan, dadi sumberé sastra lan drama ngambah Malaya, tlatah kang dumadi saka nagara Indhonésia, Malésia, Tanah Thai, lan Kamboja saiki.[2]
