Michel Platini

Michel Platini
Katerangan priangga
Jeneng dawa Michel François Platini
Dhuwur 1.78 m (5 ft 10 in)
Posisi main Gelandhang (bal-balan)
Karir nom
1966–1972
 AS Joeuf
Karir klub*
Taun Tim Main (Gul)
1972–1979
1979–1982
1982–1987		 AS Nancy
Saint-Étienne
Juventus
Karier		 181 0(98)
104 0(58)
147 0(68)
432 (224)
Karir tim nasional
1976–1987 Prancis 072 0(41)
Juru latih
1988–1992 Prancis

* Gunggung main lan gul ing klub sénior tumrap liga dhomèstik iki mligi.


Michel Platini (lair ing Jœuf, Prancis, 21 Juni 1955; umur 69 taun) iku salah siji tokoh kang misuwur ing donya ulah raga, mligi ing babagan bal-balan saka Prancis.[1] Sasuwéné urip ing bal-balan, Platini kacathet ing tim AS Nancy-Lorraine (1973-1979), AS Saint-Etienne (1979-82), lan Juventus (1982-1987).[2] Ing Juventus, Platini ngasilaké juwara ing Liga Champions nalika taun 1985. Platini sasuwéné urip ing donya bal-balan piyambaké wis main kaping 501, lan nggawé 265 gol.[2]

Platini uga tau éntuk bebungah minangka juru main bal-balan paling apik ing Éropah (Ballon d'Or) kaping telu, ya iku ing taun 1983, 1984, lan 1985.[1]

Michel Platini dadi juru main nasional ing Piala Donya FIFA taun 1978, 1982 lan 1986.[1] Ing taun 1982 lan 1986 Prancis bisa nembus semifinal Piala Donya FIFA.[1] Platini main ing posisi juru main tengah. Piyambaké karo Alain Giresse, Luis Fernandez lan Jean Tigana bebarengan nyengkuyung ing lapangan tengah tim nasional Prancis ing taun 1980-an.[2]

Piyambaké uga dadi juru main nasional Prancis kang menangké Piyala Éropah 1984. Platini uga dadi juru main kang nggawé gol paling akèh lan kapilih dadi juru main paling apik ing kajuwaraan iku[1]

Sanajan dadi juru main tengah Michel Platini isih bisa gawé gol. Ing taun 1984 piyambaké malah dadi top score (juru main kang nyétak gol paling akèh) ing Piyala Éropah 1984.[2] Platini saliyané dadi juru main tengah kang apik, piyambaké uga misuwur dadi juru tendhangan bébas. Michel Platini tau nyekel rékor juru main kang ngegolaké paling akèh ing tim nasional Prancis ya iku 41 gol nganti tekan 2007. Banjur rekor iku direbut déning Thierry Henry.[2]

Platini dadi pelatih Tim Nasional Prancis awit taun 1988 tekan 1992. Wiwit taun 1992 tekan 1998, Platini dadi co-présidhèn Piala Donya FIFA Komite Panyelenggara kanggo Piala Donya FIFA 1998 ing Prancis.[1] Saliyané iku uga dadi wakil-présidhèn Fèderasi Sépakbola Prancis (FFF) wiwit taun 2000.[1]

Saiki Michel Platini njabat dadi wakil Présidhèn Federasi Bal-balan Prancis sarta dadi Présidhèn Uni Bal-balan Éropah (UEFA).[1][3]

Wiwitane karir

Michel Platini lair ing Joeuf, Lorraine, Prancis. Platini putrané Aldo lan Anna (Piccinelli née), katurunan Italia.[4] Kulawarga Anna asalé saka provinsi Belluno, déné bapaké Aldo, Francesco Platini, iku imigran saka Agrate Conturbia, ing provinsi Novara, lan dumunung ing Prancis sabubaré Perang Donya I.[4] Aldo iku juru main bal kang profésional lan tau dadi direktur ing AS Nancy, tim kang dibéla Platini nalika miwiti pagawéyan ing bal-balan.[4]

Michel Platini miwiti urip ing bal-bala awit umur 16 taun, ing turnamèn Coupe Gambardella ing tim junior Jœuf mungsuh tim junior Metz.[4] Saka kono, Platini éntuk undhangan saka tim Metz, nanging nalika iku sikilé lara.[4] Amarga pelatih Metz kang nalika iku ngundang Platini pindhah saka timé, banjur Platini tetep mbela Jœuf ing liga dhaérahé. Sawisé iku Platini ngajukaké lamaran main ing Metz manèh, ing tès keséhatan dhèwèké semaput. Platini divonis déning dhokter dhèwèké duwé lara napas lan lemah jantung.[4] Banjur Platini mèlu gabung ing tim cadhangan Nancy kang nalika iku dilatih déning bapaké ing sasi September 1972. Ing kono Platini éntuk kenalan kiper Jean-Michel Moutier.[4]

Karir bal-balan

Nancy

Michel Platini miwiti karir ing tim cadhangan Nancy kanthi apik. Piyambake gawé telung gol utawa asring diarani hat-trick ing tetandhingan nalika mungsuh tim cadhangan Wittelsheim. Saka iku Platini banjur diusulké lumebu tim inti. Wiwitané Platini dadi juru main cadhangan mungsuh Valenciennes. Nalika iku Platini diidoni lan kaantem nalika ana gelut ing tribun. Banjur Platini lumebu ing tim cadhangan manèh, nanging dhèwèké kena lara ing pergelangan sikil.

Ing sasi Maret 1974, Platini durung bisa nudhuhake kaprigelané ing lapangan, ditambah manèh dhèwèké lara fraktur ing lengen kiwané, nalika mungsuh OGC Nice. Awit saka iku Platini ora bisa mbéla Nancy ing sisa tetandhingan liga Prancis. Ing taun mau Nancy mudhun ing Ligue 1. Ing taun sabnajure Nancy munggah manèh ing divisi siji Liga Prancis kanthi gampang. Ing kono Platini dadi juru main kang wigati. Platini nyetak 17 gol, lan akèh-akèhe digawé saka tendhangan bébas, awit saka iku Platini dadi juru tendhangan bébas.

Saint-Étienne, kang dadi pimpinan klasemen Liga Prancis nalika iku kasingkir saka Piala Prancis nalika mungsuh Nancy. Ing tetandhingan mau Platini nyétak rong gol saka tendhangan bébas. Platini latihan tendhangan bébas karo Moutier kipere Nancy, lan nggunakaké pager kang kaya témbok.

Kanthi mbaliké Nancy ing Ligue 1, Platini uga dines ing militèr. Nanging Platini tetep ngupaya bisa mbéla Nancy ing Ligue 1. Nalika mungsuh Laval, Platini hat-trick (ngegolake telu), nanging ing kono Platini cidra ing dhengkul. Miturut dhokter Platini wis angèl mari lan ora bisa bal-balan manèh. Nanging rong minggu saka laarané iku Platini bisa mèlu gabung manèh ing Nancy kanggo Piala Prancis ing semi-final mungsuh Marseille ing Parc des Princes.

Sawisé mèlu Olimpiyade Montreal taun 1976, Platini nandhatangani kontrak rong taun kanro Nancy, iku kontrak propesional kang pisanan.

Ing taun 1978, Platini kasil nggawa Nancy dadi juwara Piyala Prancis 1978. Ing final Nancy mungsuh Nice. Ing kono Platini ngegolké siji. Présidhèn Valéry Giscard d'Estaing mènèhi piyala. Rong minggu saka final iku, Platini lan rombongan budhal ing Piala Donya FIFA.

AS St. Etienne

Kurang luwih 7 taun Platini ing AS Nancy, Platini pindhah ing AS St. Etienne (1979-1982). Ing AS St. Etienne, piyambaké main kaping 145 lan gawé 82 gol. Nalika iku Platini umuré isih 19 taun, nanging amarga anggoné main ing tengah lapangan iku apik, mula bisa gawé tim-tim Éropah kepincut. Tim gedhé kang kepincut kaya ta Valencia lan Inter Milan kepincut banget marang Platini. Malahan Platini wis tandha tangan pra-kontrak karo Inter Milan. Nanging amarga ana règulasi kang gawé wates pindhahé juru main, Platini banjur ora sida pindhah Inter Milan, lan tetep ing AS St. Etienne. Sawisé telung taun ing AS St. Etienne, Platini pindhah ing Juventus, kang dadi tim kang pungkasan kang dibéla.

Platini lan Juventus

Platini nalika ing Juventus.

Ing Juventus Platini menangi kabèh apa kang dikepingini. Platini ing Juventus wiwit 1982 nganti 1987. Ing Juventus Platini main kaping 224 lan gawé 104 gol. Ing Italia Platini menangké rong Scudetto, siji Coppa Italia, lan Liga Champions UEFA, sarta siji Piala Super Éropah, siji Piala Interkontinental lan siji Piala Cup Winners. Platini ora mung ngagungaké jenengé tim Juventus nalika iku.

Ing Liga Italia Platini uga gawé prèstasi dhéwé, ya iku dadi capocannonieri ing serie A (juru main kang gawé gol paling akèh) telung taun ya iku ing taun 1983 kanthi 16 gol, 1984 kanthi 20 gol, lan ing taun 1985 18 gol. Awit saka iku Platini olèh Ballon d’Or kaping telu ing taun 1983, 1984, lan 1985. Sanajan Platini iku mung juru main tengah, nanging piyambaké bisa gawé gol kang akèh saka tendhangan bèbas.

Platini lan Tragedi Heysel (29 Mèi 1985)

Tragedi Heysel kang kadadéan ing tanggal 29 Mèi 1985 ora bakal bisa dilalékaké déning para suporter Juventus lam Livepol. Final Piala Champions, nalika iku antarané Juventus lan Liverpool, ing Stadion Heysel, Brussels, Bèlgi. Kacathet ana 39 wong kang mati lan 600 wong kang lara, amarga ketiban témbok kang ambruk.

Kedadéyan iku kawiwitan saka para suporter kang padha écé-écénan sadurungé bal-balan diwiwiti. Hooligan Liverpool nyerbu suporter Juventus. Suporter Juventus ora nglawan. Banjur suporter Juventus lumayu ing témbok kang dadi wates. Amerga saking akèhé suporter kang mara menyang témbok mau, ndadèkaké témbok mau ambruk ngebruki para suporter. Ana 32 suporter Juventus, 4 warga nagara Bèlgi, 2 warga nagara Prancis lan 1 warga nagara Irlandia, katiwasan ing papan panggonan iku.

Bal-balan iku tetep diterusaké sanajan ana karusuhan. Suporter Juventus uga ana kang nglawan. Bal-balan mau dimenangaké Juventus 1-0 lan gol iku dicithak déning Platini saka sépakan pénalti. Saka kadadéan mau, tanggal 30 Mèi 1985 UEFA kang diwakili déning penyidhik resminé, Gunter Schneider, njléntrèhaké yèn kang salah suporter Liverpool. Saka prastawa iku tim-tim saka Inggris ora dièntukaké main bal-balan suwéné 5 taun.

Platini Gantung Sepatu

Platini rumangsa awaké wis rada tuwa lan duwé niyat pènsiun saka bal-balan nalika mur 32 taun. Ing taun 1986 – 1987, Platini mutusaké pènsiun saka bal-balan. Apa kang ditindakaké Platini akèh nemoni pandangon, amarga ing umur semono Platini anggoné bal-balan isih lincah lan isih apik permainané, lan isih bisa main ing pirang-pirang mangsa manèh.[5]

Dina kang nrenyuhaké. Salah siji anugrah saking Gusti marang kita kabèh, teka lan lunga. Platini bakal dikenang minangka pemain kang kondhang ing Juvèntus. ujare Gianni Agnelli (Juvèntus).[5]

Sawisé Platini pènsiun, piyambaké ora bisa adoh saka donyané bal-balan. Platini tau dadi timnas Prancis nalika taun 1988 tekan 1992. Nalika nglatih timnas Prancis, Platini kasil nggawa timnas ora kalah ing 19 tetandhingan.[5]

Sawisé iku, Platini dadi Ketuwa Panitiya Pelaksana ing Piala Donya FIFA 1998 ing Prancis. Kasuksésané Platini, nggawa awaké dadi Prèsidhén UEFA kaping pindho. Ingkang pisanan kapilih dadi Prèsidhén UEFA nalika taun 2007. Nalika iku Platini saingan karo Prèsidhén UEFA sadurungé Lennart Johansson. Platini menang tipis saka pilihan iku. Platini menang 27 suwara, déné Johansson mung 23 swara. Nanging ing taun 2011, Paltini kepilih manèh amarga ora ana saingan. Malahan juru main bal saka Brazil, Pele, njaluk Platini dadi Prèsidhén FIFA ing taun 2015.[5]

Antarané Platini lan Juvèntus isih raket banget gayutané. Platini terus mènèhi panjurung marang Juvèntus supaya dadi tim kang gedhé.[5]

Karir dadi pelatih

Platini nglatih pisanan nalika nglatih tim nasional Prancis. Ing tanggal 1 November 1988, Platini resmi nggantèkaké Henri Michel, kang kapeksa mundur amarga imbang mungsuh Siprus (1-1) ing kuwalifikasi Piala Donya 1990.[5] Lan Prancis ora bisa mèlu ing Piala Donya. Banjur tujuwan pelatih ngalih ing kuwalifikasi Piala Éropah taun 1992 ing Swèdhen. Ing kono Prancis kasil, lan lolos penyisihan. Tetandhingan kang wigati ya iku nalika mungsuh Spanyol lan Cekoslovakia. Nalika dadi pelatih, Platini gawé rekor 19 tetandhingan ora kalah. Sawisé iku timnas Prancis diunggulaké. Nanging saya suwé timnas Prancis anggoné main saya èlèk, banjur Platini mundur saka kepelatihan.[5]

Bebungah

Michel Platini wis akèh anggoné èntuk bebungah. Bebungah bareng tim, bebungah bareng tim nasional, uga bebungah kanggo awaké dhéwé. Ing taun 1984 Michel Platini èntuk bebungah minanggka juru main kang nyithak gol paling akèh ing Piala Éropah kanthi nyithak sangang gol.[2]

Ing tim nasional Platini nggawa Prancis ing Piala Donya FIFA kaping telu, ya iku ing taun 1978, 1982, lan 1986. Ing rong taun kang pungkasan tim nasional Prancis tekan semi final. Platini kaping 72 mbéla tim nasional Prancis, kaping 49 dadi kaptèn, lan ngegolaké kaping 41.[2]

Sasuwéné bal-balan, Michel Platini tau main ing telung tim, ya iku AS Nancy-Lorraine (1973-1979), AS Saint-Etienne (1979-82) ing Liga Prancis, lan Juventus (1982-1987) ing Liga Italia. Sasuwéné iku dhèwèké main kaping 501 lan gawé 265 gol. Platini menangaké Ballon d'Or (bebungah juru main paling apik ing Éropah) kaping telu ya iku ing taun 1983, 1984, lan 1985.

Platini uga nglatih tim nasional Prancis ing taun 1988-1992. Sawisé iku banjur dhèwèké dadi punggawa administrator ing babagan bal-balan.

Saka taun 1992 nganti taun 1998, Platini dadi co-prèsidhén Piala Donya FIFA Komité Panyelenggara kanggo Piala Donya 1998 ing Prancis, lan wakil-prèsidhén Fèderasi Bal-balan Prancis (FFF) saka taun 2000.[1]

Ing FIFA, Michel Platini awit taun 2002 dadi anggota Komité Eksekutif FIFA, ketuwa Komité Pangyasa Teknis, wakil ketuwa Komité Bal-balan lan wakil ketuwa saka proyek GOAL.[1] Platini iku anggota Piala Donya FIFA Komité Penyelenggara kanggo Piala Donya FIFA 2006 ing Jerman.[1]

Saka taun 1988 tekan 1990, Michel Platini dadi anggota Komité Teknis Pangyasa UEFA. Saka taun 2002, Platini dadi anggota saka Komité Èksekutif UEFA, lan makili Komité Èksekutif ing Komité Tèknis Pangyasa UEFA. Platini uga duwé tugas ing golongan makarya UEFA ing tim lan liga.[1]

Michel Platini kapilih minangka prèsidhén kaping enem ing Kongrés UEFA kang kaping XXXI ing Dusseldorf nalika tanggal 26 Januari 2007, lan kapilih manèh kanthi aklamasi kanggo mangsa kalungguhan kaping papat kang kapindho ing Kongrès UEFA kaping XXXV UEFA kang dianakaké ing Kutha Paris tanggal 22 Maret 2011. Platini uga dadi wakil prèsidén FIFA.[1]

Bebungah kang ditampa Platini

  1. AS Nancy-Lorraine
  2. French Cup winner: 1978
  3. Division 2 champion: 1975

Ing AS Saint-Étienne

  1. French champion: 1981

Ing Juventus

  1. European Champion Clubs' Cup winner: 1985
  2. UEFA Cup Winners' Cup winner: 1984
  3. European/South American Cup winner: 1985
  4. UEFA Super Cup winner: 1984
  5. Italian champion: 1984, 1986
  6. Italian Cup winner: 1983
  7. FIFA Club Mundialito: 1983
  8. Serie A top scorer: 1983, 1984, 1985
  9. European Champion Clubs' Cup top scorer: 1985 (7 gol)

Ing Tim Nasional Prancis

  1. Capped 72 times, Michel Platini was France captain suwéné 49 tetandhingan wiwit taun 1979 nganti taun 1987
  2. UEFA European Championship winner: 1984
  3. UEFA European Championship top scorer: 1984 (9 gol)
  4. Artemio Franchi Trophy winner: 1985

Bebungah liya

  1. Ballon d'Or: 1983, 1984, 1985
  2. Onze d'Or: 1983, 1984, 1985
  3. Guerin d'Oro: 1984
  4. Best player in the UEFA European Championship: 1984
  5. Best player in the European/South American Cup: 1985
  6. Best player, FIFA Club Mundialito: 1983
  7. World Soccer World Player of the Year: 1984, 1985
  8. Chevron Award for goals-to-games ratio: 1983, 1985
  9. Best player, English Football League Centenary Silver Trophy: 1987
  10. World Soccer World Coach of the Year: 1991
  11. El País World Coach of the Year: 1991

Pranala njaba

Cathetan sikil

  1. ↑ a b c d e f g h i j k l m uefa.com
  2. ↑ a b c d e f g www.planetworldcup.com
  3. ↑ Michel Platini, Juventus juara Liga Champions tergantung mentalitas[pranala mati permanèn] (diundhuh tanggal 1 April 2013)
  4. ↑ a b c d e f g (ing basa Itali)buon compleanno monsieur calcio
  5. ↑ a b c d e f g Michel Platini sang Juara Sejati Éropah Archived 2013-03-29 at the Wayback Machine. (diundhuh tanggal 26 Maret 2013)


Read other articles:

Gaya, Dosso

Untuk tempat lain yang bernama sama, lihat Gaya (disambiguasi). Loaksi Gaya di Niger Gaya ialah sebuah kota di Kawasan Dosso, Niger.[1] Kota ini terletak 254 km tenggara Niamey, di bantaran Sungai Niger,[2] dan dekat perbatasan Benin dan Nigeria. Gaya berpenduduk 28.385 jiwa (2001). Daerah terbasah di Niger ini memiliki rerata curah hujan 800 mm setahun. Ada kota lain di Niger dengan nama yang sama. Lihat pula Bayajidda Rujukan ^ Dosso. maplibrary.org. Diakses tangga...

 

 

Agent 327

Tanda pejalan kaki ke Museum Comics! dengan gambar Agent 327 Penerbit Geïllustreerde Pers Misurind Munculperdana Pep #21 (1966) Pencipta Martin Lodewijk Karakteristik Nama KarakterHendrik IJzerbrootAfiliasikelompokAIVD, Dinas Rahasia SwissKemampuanAhli penyamaran Agent 327 adalah serial komik aksi/komedi Belanda karya kartunis Belanda Martin Lodewijk. Komik ini adalah serial reguler dari 1966 hingga 1983, dan dari 2000 hingga sekarang.[1] Agent 327 adalah eponim dari agen rahasia Be...

 

 

Bandar Udara Internasional Riga

Bandar Udara Internasional RigaStarptautiskā lidosta RīgaIATA: RIXICAO: EVRAInformasiJenisPublikPemilikPemerintah LatviaMelayaniRiga, LatviaLokasiMārupe MunicipalityMaskapai penghubung airBaltic SmartLynx Airlines RAF-Avia Ryanair Ketinggian dpl11 mdplKoordinat56°55′25″N 023°58′16″E / 56.92361°N 23.97111°E / 56.92361; 23.97111Koordinat: 56°55′25″N 023°58′16″E / 56.92361°N 23.97111°E / 56.92361; 23.97111Situs...

New State Mobile

New State Mobile Sampul promosiPublikasi11 November 2021GenreTembak-menembak orang pertamaTembak-menembak orang ketigaBattle royaleKarakteristik teknisPlatformAndroid dan iOS MesinUnreal Engine 4[1]Formatunduhan digital Format kode Daftar 30 Informasi pengembangPengembangPUBG StudiosPenyuntingKrafton ProdusenMinkyu ParkPenerbitKraftonSumber kode Google Playcom.pubg.newstate iTunes Store1542727626 Informasi tambahanSitus webnewstate.pubg.com Bagian dari PUBG Universe[2][3&#...

 

 

Gereja Fransiskan, Eisenstadt

Artikel ini sebatang kara, artinya tidak ada artikel lain yang memiliki pranala balik ke halaman ini.Bantulah menambah pranala ke artikel ini dari artikel yang berhubungan atau coba peralatan pencari pranala.Tag ini diberikan pada April 2024. Gereja FransiskanGereja Fransiskan Paroki Santo MikaelJerman: Franziskanerkirchecode: de is deprecated Gereja Fransiskan, EisenstadtLokasiEisenstadtNegaraAustriaDenominasiGereja Katolik RomaSejarahDedikasiSanto MikaelArsitekturStatusGereja paroki, gereja...

 

 

Clinique

Clinique Laboratories, LLCJenisPerusahaan perseroanIndustriBarang konsumenDidirikan1968PendiriEvelyn LauderKantorpusatNew York CityProdukKosmetikIndukEstée Lauder Companies(1968–sekarang)Situs webclinique.com Clinique Laboratories, LLC (/klɪˈniːk/) adalah sebuah pabrik perawatan kulit, kosmetik, peralatan toilet dan pewangi Amerika Serikat yang biasanya dijual di pusat-pusat perbelanjaan. Ini adalah subsidier dari Estée Lauder Companies. Pranala luar Media terkait Clinique Laboratories...

Brigata Partigiana Stella Rossa

Brigata partigiana Stella RossaDescrizione generaleAttivasettembre 1943 - maggio 1945 Nazione Italia ServizioComitato di Liberazione Nazionale TipoBrigate partigiane ObiettivoSconfitta dei paesi dell'Asse ComandantiComandante in capoMario Musolesi Voci su unità militari presenti su Wikipedia La Brigata partigiana Stella Rossa fu una brigata partigiana stimabile fra le settecento e le ottocento unità, armate in prevalenza con armi leggere, che dal novembre del 1943 combatté contro le f...

 

 

Reims-la-Brûlée

Reims-la-BrûléecomuneReims-la-Brûlée – Veduta LocalizzazioneStato Francia RegioneGrand Est Dipartimento Marna ArrondissementVitry-le-François CantoneSermaize-les-Bains TerritorioCoordinate48°43′N 4°40′E / 48.716667°N 4.666667°E48.716667; 4.666667 (Reims-la-Brûlée)Coordinate: 48°43′N 4°40′E / 48.716667°N 4.666667°E48.716667; 4.666667 (Reims-la-Brûlée) Superficie6,46 km² Abitanti223[1] (2009) Densità34,52 ab...

 

 

Steven Seagal

Steven Seagal nel 2016 Steven Frederic Seagal (Lansing, 10 aprile 1952) è un attore, artista marziale e produttore cinematografico statunitense. Fa parte del gruppo di attori (Bruce Lee, Chuck Norris, Sonny Chiba, Jean-Claude Van Damme, Jackie Chan, Sammo Hung, Jet Li) diventati famosi grazie alle loro abilità nel campo delle arti marziali. Cintura nera di aikidō, è stato il primo straniero ad aprire un dojo di aikidō a Osaka in Giappone. È conosciuto in tutta l'America Latina come La T...

Повітряні сили Збройних сил України

Ця стаття потребує додаткових посилань на джерела для поліпшення її перевірності. Будь ласка, допоможіть удосконалити цю статтю, додавши посилання на надійні (авторитетні) джерела. Зверніться на сторінку обговорення за поясненнями та допоможіть виправити недоліки. Мат...

 

 

The Eyes of My Mother

2016 American filmThe Eyes of My MotherFilm posterDirected byNicolas PesceWritten byNicolas PesceProduced by Max Born Jacob Wasserman Schuyler Weiss Starring Kika Magalhães Olivia Bond Diana Agostini Paul Nazak CinematographyZach KupersteinEdited byNicolas PesceMusic byAriel LohProductioncompanies Borderline Presents Tandem Pictures Distributed byMagnet ReleasingRelease dates January 22, 2016 (2016-01-22) (Sundance) December 2, 2016 (2016-12-02) (United...

 

 

Філософія

Частина серії проФілософіяLeft to right: Plato, Kant, Nietzsche, Buddha, Confucius, AverroesПлатонКантНіцшеБуддаКонфуційАверроес Філософи Епістемологи Естетики Етики Логіки Метафізики Соціально-політичні філософи Традиції Аналітична Арістотелівська Африканська Близькосхідна іранська Буддій�...

Registan Desert

Desert in Afghanistan Rigestan redirects here. For the administrative subdivision of Iran, see Rigestan Rural District. For the area of Samarqand, see Registan. 30°27′12.27″N 65°24′25.58″E / 30.4534083°N 65.4071056°E / 30.4534083; 65.4071056 A caravan in the Registan Desert (Afghanistan) in August 1969 The Registan Desert (Persian: ریگستان), also known as Sistan Desert, is an extremely arid plateau region located between Helmand and Kandahar province...

 

 

2013 ITU World Triathlon Series

Sports season2013 ITU World Triathlon SeriesLeagueITU World Triathlon SeriesSportTriathlonMen's SeriesSeries Champion Javier Gómez (ESP)Points4220Women's SeriesSeries Champion Non Stanford (GBR)Points4220World Triathlon Series seasons← 20122014 → The 2013 ITU World Triathlon Series was a series of eight World Championship Triathlon events that led up to a Grand Final held in London in September 2013. The Series was organised under the auspices of the world g...

 

 

Dream of the Rarebit Fiend

Dream of the Rarebit FiendEpisode Rarebit Fiend 28 Januari 1905PengarangWinsor McCayMulai10 September 1904 (1904-09-10)Selesaic. 1925Judul alternatif The Dream of a Lobster Fiend Midsummer Day Dreams It Was Only a Dream Rarebit Reveries PenerbitanNew York HeraldDidahului olehLittle Sammy SneezeDilanjutkan olehLittle Nemo Dream of the Rarebit Fiend adalah sebuah strip komik surat kabar karya kartunis Amerika Winsor McCay, yang dimulai pada 10 September 1904. Karua tersebut adalah st...

خريف

  ميّز عن موسم الخريف. الخريففصول السنةالفصول الأربعة اركيمبولدو (غيسيبي أرسيمبولدو, 1573)المنطقة الشمالية المعتدلةالموسم الفلكي23 سبتمبر – 22 ديسمبرموسم الأرصاد الجوية1 سبتمبر – 30 نوفمبرموسم الطاقة الشمسية1 اغسطس – 31 اكتوبرالمنطقة الجنوبية المعتدلةالموسم الفلكي21 ما�...

 

 

Prasejarah

Bagian dari seri tentangSejarah dan PrasejarahUmat Manusia ↑ Masa sebelum Homo   (Kala Pliosen) Masa Prasejarah(sistem tiga zaman) Zaman Batu Paleolitikum Awal HomoHomo erectus Paleolitikum Madya Homo sapiens awal Paleotilikum Akhir Modernitas perilaku Epipaleolitikum Mesolitikum Neolitikum Tunas peradaban Protosejarah Kalkolitikum Zaman Perunggu Timur DekatEropaIndiaTiongkok Kebinasaan Akhir Zaman Perunggu Zaman Besi Timur DekatEropaIndiaAsia TimurAfrika Barat Masa Sejarah Abad K...

 

 

Community Shield FA 2023

Community Shield FA 2023 Arsenal Manchester City 1 1 Arsenal menang 4–1 melalui adu penaltiTanggal6 Agustus 2023StadionStadion Wembley, LondonPemain Terbaik Leandro Trossard (Arsenal)[1]WasitStuart Attwell (Birmingham)[2]Penonton81.145← 2022 2024 → Community Shield FA 2023 adalah edisi Community Shield FA ke-101, sebuah pertandingan sepak bola tahunan yang dimainkan antara pemenang kompetisi Liga Utama Inggris dan Piala FA musim sebelumnya. Pertandingan ini berla...

Serie A

Disambiguazione – Se stai cercando la Serie A in altri sport, vedi Serie A (disambigua). Serie AAltri nomiSerie A TIM Sport Calcio TipoClub FederazioneFIGC Paese Italia OrganizzatoreLega Serie A TitoloCampione d'Italia Cadenzaannuale Aperturaagosto Chiusuramaggio Partecipanti20 squadre Formulagirone unico asimmetrico Retrocessione inSerie B Sito Internetwww.legaseriea.it StoriaFondazione1898[N 1] Numero edizioni122 Detentore Inter Record vittorie Juventus (36) Ultima...

 

 

Kōno Hironaka

Kōno Hironaka河野広中Lahir(1849-08-24)24 Agustus 1849Provinsi Mutsu, JepangMeninggal29 Desember 1923(1923-12-29) (umur 74)KebangsaanJepangPekerjaanpolitikus, menteri kabinet Ini adalah nama Jepang, nama keluarganya adalah Kōno . Kōno Hironaka (河野広中code: ja is deprecated , 24 Agustus 1849 – 29 Desember 1923) adalah seorang politikus dan menteri kabinet di Kekaisaran Jepang. Biografi Kōno berasal dari Provinsi Mutsu (sekarang Prefektur Fukushima), dimana ayahnya, Iwamura...