Artikel iki macak aksara Jawa. Menawa pangluru sampéyan durung njurung karakter iku, sampéyan mokal ndeleng sawenèh tulisan sing nganggo aksara Jawa ing kaca iki. Kanggo ndandani, wacana Pitulung:Aksara Jawa.

Konggrès Basa Jawa, dicekak KBJ, ya iku paheman limang taunan sing dipandhégani pamaréntah laladan telung provinsi ing tanah Jawa sing bebrayané ngendikan basa Jawa. Telung provinsi iku Jawa Tengah, Yogyakarta, lan Jawa Wétan. Paheman iki adaté didhayohi para akadhémisi, praktisi, lan sutresna basa lan budaya Jawa. Undhangan kusus uga dikirim marang wakil mancanagara kaya déné saka Malaysia, Suriname, Ostrali, lan uga Nèderlan. Konggrès sepisanan diadani ing Semarang, Jawa Tengah ing taun 1991.

• Konggrès Basa Jawa I, 15-21 Juli 1991 ing Semarang^[1]
• Konggrès Basa Jawa II, 22-26 Oktober 1996 ing Malang^[2]
• Konggrès Basa Jawa III, 15-21 Juli 2001 ing Yogyakarta^[3]
• Konggrès Basa Jawa IV, 10-14 Sèptèmber 2006 ing Semarang^[4]
• Konggrès Basa Jawa V 27-30 Novèmber 2011 ing Surabaya^[5]
• Konggres Basa Jawa VI, 8-12 November 2016 ing Yogyakarta

• Konggrès Basa Jawa IV:
  • mrayoga murih piwulang basa Jawa lumaku ing Pamulangan Dhasar tekan Pamulangan Madya Luhur lan Saèmper ing telung provinsi,
  • piwulang basa Jawa supaya lumantar tèknologi saperlu mepaki wulangan basa Jawa,
  • bebrayan agung Jawa supaya nganggo basa Jawa,
  • Konggrès Kabudayan Jawa ing taun 2011 diadani sadurungé Konggrès Basa Jawa ping lima.

• Konggrès Aksara Jawa
• Konggrès Basa Indonésia