Istiklâl Marsi iku lagu kabangsané Turki kang resminé kalaksanan ing tanggal 12 Maret 1921-rong setengah taun sadurungé pangadegané Republik Turki ing tanggal 29 Oktober 1923. Lagu iki cinipta déning Mehmet Âkif Ersoy lan dikomposisi déning Osman Zeki Üngör. Isiné mligi prakara katresnan marang Turki.
Sajarah
Sapungkuré Kakaisaran Ottoman dianakaké kompetisi nasional kanggo nemtokaké komposisi asli lagu kabangsan. Ana 724 puisi kang diajokaké. Mehmet Akif Ersoy, sawijining penyair kondhang wektu semana, nulak mèlu amarga anané bebungah dhuwit. Dhèwèké banjur diundang lan diyakinaké déning parlemèn supaya nulis syair, ora usah mikir soal bebungahé. Sepuluh bait syair tinulis déning Ersoy kapilih kanthi mutlak déning Dhéwan Agung Nasional Turki sawisé dibiji déning komité parlemèn; bebungahé banjur diparingaké marang paguyuban vèteran.
Sawisé iku, patlikur panggubah lagu (komposer) mèlu kompetisi ngripta komposisi musik laguné kang cocog kanggo sawijining lagu kabangsan. Wusanané dhéwan nembé bisa rapat ing taun 1924 (amarga anané Perang Kamardikan Turki), lan ngesahaké musik karangan Ali Rıfat Çağatay.
Tèks
Korkma, sönmez bu şafaklarda yüzen al sancak;
Sönmeden yurdumun üstünde tüten en son ocak.
O benim milletimin yıldızıdır, parlayacak;
O benimdir, o benim milletimindir ancak.
Çatma, kurban olayım, çehreni ey nazlı hilâl
Kahraman ırkıma bir gül!... Ne bu şiddet, bu celâl?