Finding Dory ya iku filem animasi komputer 3D sing gènréné drama komedi taun 2016 saka Amérika sing diprodhuksi déning Pixar Animation Studios lan digebyakaké déning Walt Disney Pictures. Filem iki disutradarani Andrew Stanton karo ko-sutradhara Angus MacLane ing debut pisanané,[5][6] naskah filem iki ditulis déning Victoria Strouse lan Stanton.[7] Filem iki minangka sèkulèl saka filem Finding Nemo ing taun 2003 lan filem iki mbalèni nganggo pangisi swara Ellen DeGeneres lan Albert Brooks, uga ana pangisi swara anyar ya iku Hayden Rolence (gantèni Alexander Gould), Ed O'Neill, Kaitlin Olson, Ty Burrell, Diane Keaton, lan Eugene Levy. Finding Dory iku dalan critané fokus karo masalah amnèsiané iwak sing jenengé Dory, dhèwèké sing berpetualang supaya bisa kumpul manèh bareng kaluwargané.[8] Sadawané dalan, Dory kecekel lan digawaa menyang akuarium publik ing California, mulané saka iku Marlin lan Nemo nyoba nyelametaké Dory.[9]
Filem iki digebyakaké ana ing El Capitan Theatre ing Los Angeles tanggal 8 Juni taun 2016, lan digebyakaké ing Amérikah Sarékat ing tanggal 17 Juni taun 2016.[10] Filem iki nampa tanggepan sing positip lan pikolèhan $900 yuta ing saindenging donya. Filem iki uga nampa akèh rékor, kalebu animasi pambuka sing gedhé dhéwé salawasé ing Amérika Lor lan dadi filem sing gedhé dhéwé gawéané Pixarsing digebyakaké ing Cina.
