Artikel iki macak aksara Jawa. Menawa pangluru sampéyan durung njurung karakter iku, sampéyan mokal ndeleng sawenèh tulisan sing nganggo aksara Jawa ing kaca iki. Kanggo ndandani, wacana Pitulung:Aksara Jawa.
Piala Donya FIFA utawa kerep dicekak Piala Donya iku kajuwaraan bal-balan paling wigati ing donya internasional. Diselenggarakaké déning Fédération Internationale de Football Association (Fédération Internationale de Football Association), sing kajibah nata ulah raga iki, turnamen babak final Piala Donya iku ajang ulah raga sing paling akèh ditonton ing donya, ngluwihi Olimpiade.[1]
Babak final turnamen (tegesé pérangan turnamen sawisé kwalifikasi) iki diadani saben patang taun sapisan nanging kajuwaraan iki mbutuhaké mangsa rong taun kanthi sakabèhané. Luwih saka 160 tim nasional tandhing ing turnamen kwalifikasi regional kanggo nggayuh papan sajeroning babak final. Turnamen finalé saiki dumadi saka 32 tim (paningkatan saka 24 tim ing taun 1998) sing kompetisi sajeroning 4 minggu ing nagara sing ditunjuk minangka tuwan omah. Inovasi sing dianakaké anyar iki ya iku ngolèhaké punjul siji nagara dadi tuwan omah.
Panyelenggaraan Piala Donya sabanjuré ing Afrika Kidul taun 2010.
1Ora ana tetandhingan perebutan papan katelu sing resmi ing taun 1930. Peringkat pungkasan: 1: Uruguay; 2: Argentina; 3: AS; 4: Yugoslavia.
2Ora ana tetandhingan final sing resmi ing taun 1950. Turnamen diputusaké liwat grup final sing dipersaingkan patang tim. Nanging kamenangan Uruguay 2-1 marang Brasil iku tetandhingan wigati sing nggawa tim iki mimpin saka segi poin lan mesthèkaké ana ing posisi paling dhuwur sajeroning grup minangka juwara donya. Peringkat akir grup: 1: Uruguay; 2: Brasil; 3: Swèdhen; 4: Spanyol.
Ing saben pungkasan turnamen final Piala Donya, sawatara bebungah diwènèhaké marang juru main lan tim sing dianggep istimewa dibandingaké karo tim liyané miturut aspek-aspek sing béda-béda.
Wektu iki ana limang jinis bebungah:
Sepatu Emas Adidas (Adidas Golden Shoe) kanggo wong sing nggawe gol paling akèh
Bola Emas Adidas (Adidas Golden Ball) kanggo juru main paling apik;
Penghargaan Yashin (Yashin Award) kanggo wong sing njaga gawang paling apik;
Penghargaan Permainan Adil FIFA (FIFA Fair Play Award) kanggo tim sing duwé chatetan fair play terbaik;
FIFA mbiwara 10 unggulan juru main paling apik sing dipilih déning wakil-wakil saka médhia. Posisi pisanan olèh Bola Emas adidas, posisi kaloro: Bola Pérak adidas lan katelu: Bola Perunggu adidas.
1 Ana kontroversi ngenani pira cacahing gol sing dicithak juru main Brasil Ademir Menezes ing taun 1950, amarga data sing ora pepak bab tetandhingan Babak Final antara Brasil nglawan Spanyol (6-1). Gol pisanan dianggep gol bunuh diri juru main Spanyol Parra, lan gol sing nggawé kadudukan dadi 5-0 dianggep diciptakaké déning Jair, nanging anyar iki FIFA nyatakaké yèn gol-gol mau diciptakaké déning Ademir; saéngga dhèwèké dadi panyithak gol paling akèh (9 gol) ing Piala Donya 1950. [1]
.svg){kind=small}
.svg){kind=small}
.svg){kind=small}
.svg){kind=small}
.svg){kind=small}
.svg){kind=small}
.svg){kind=small}
.svg){kind=small}
.svg){kind=small}
.svg){kind=small}
