Valdimar Jóhannsson (f. 28. apríl 1978) er íslenskur kvikmyndaleikstjóri og handritshöfundur. Valdimar hefur unnið hin ýmsu störf kvikmyndagerðar, m.a.s. gripill, ljósamaður, tökumaður og brellutæknir.[1] Valdimar lærði við Kvikmyndaskóla Íslands og útskrifaðist þaðan árið 2001. Seinna lá leið hans til Bosníu og Hersegóvínu þar sem hann stundaði nám við kvikmyndaskólann Film Factory í Sarajevó á árunum 2012-2015 hjá ungverska leikstjóranum Béla Tarr.[2] Fyrsta kvikmynd Valdimars í fullri lengd er Dýrið (2021) sem hann bæði leikstýrði og skrifaði.
