Marta Lovísa var gift rithöfundinum Ara Behn frá 2002-2017 og eignaðist með honum þrjár dætur. Ari fyrirfór sér í desember árið 2019.
Marta Lovísa er fjórða í erfðaröð norsku krúnunnar, á eftir bróður sínum Hákoni krónprins og börnum hans tveimur. Árið 2002 afsalaði Marta Lovísa sér lífeyri frá konungshöllinni og einnig titlinum „konungleg hátign“ og kvaðst þá vilja frelsi til að sinna áhugamálum sínum. Marta Lovísa sem er menntaður sjúkraþjálfari, rak „englaskóla“ um tíma (sem kenndi fólki skyggnigáfu og hvernig maður kæmist í samband við engla) og var einnig meðhöfundur tveggja sjálfshjálparbóka sem áttu að aðstoða lesendur við að komast í samband við engla.
Marta Lovísa giftist í annað sinn árið 2024, Bandaríkjamanni að nafni Durek Verrett. Verrett er sjálfsyfirlýstur „seiðmaður“ (shaman) sem hefur víða verið lýst sem svindlara og samsæriskenningamanni. Meðal annars hefur hann fullyrt að hann sé dæmdur glæpamaður og að hann hafi risið upp frá dauðum.[1]
