Kurt Fuller
Kurt Fuller
Upplýsingar
Fæddur	Curtis Fuller 16. september 1953 (1953-09-16) (71 árs)
Ár virkur	1984 -

Kurt Fuller (fæddur Curtis Fuller, 16. september 1953) er bandarískur leikari sem hefur komið fram í mörgum kvikmyndum, sjónvarpsþáttum og leikritum. Þekktastur er hann fyrir hlutverk sín í Wayne's World og Anger Management en einnig fyrir hlutverk sitt sem engillinn Zachariah í Supernatural.

Kurt er uppalinn í San Joaquin Valley sem er þekkt landbúnaðarsvæði í Kaliforníu. Fuller veiktist af leikarabakteríunni þegar hann var við háskólanám við UC Berkley, þar sem hann fékk gráðu í enskum bókmenntum. Eftir útskrift fluttist hann til Los Angeles með allt sem hann átti í skottinu á Dodge Cart bílnum sínum. Næstu tíu árin vann hann sem fasteignamiðlari á daginn og sviðleikari á kvöldin.

Kurt er giftur leikkonunni Jessica Hendra (dóttir höfundarins Tony Hendra) og saman eiga þau tvö börn.

Fyrsta stóra hlutverk hans var í sjónvarpsþættinum Wildside frá árinu 1985, þar sem hann lék Elliot Thogmorton og kom fram í sex þáttum. Síðan þá hefur hann komið jafnt og þétt sem gestaleikari í fjölmörgum sjónvarpsþáttum þar á meðal: Psych, Timecop,Capital News, Desperate Housewives, Boston Legal, Alias, CSI: Crime Scene Investigation, The 4400, House, The West Wing, Monk, Las Vegas, Malcolm in the Middle og Supernatural.

Fuller hefur unnið með mörgum af bestu leikstjórum Hollywood þar á meðal: Paul Schrader, Ridley Scott, Wim Wenders, Taylor Hackford, Mike Newell, Harold Ramis, Brian De Palma og Ivan Reitman. Helstu kvikmyndir hans eru: Auto Focus, Ray, Pushing Tin, The Jack Bull, Ghostbusters 2, Wayne´s World og Anger Management.

• Fyrirmynd greinarinnar var „Kurt Fuller“ á ensku útgáfu Wikipedia. Sótt 7. nóvember 2010.
• Kurt Fuller á IMDB á Internet Movie Database

• Kurt Fuller á IMDB á Internet Movie Database
• Kurt Fuller á Supernatural Wiki.com síðunni
• Kurt Fuller á Supernatural wikiasíðunni