Joseph Eugene "Joe" Wright (fæddur 1. apríl 1963) er bandarískur fyrrum körfuknattleiksmaður. Wright setti stigamet í Úrvalsdeild karla í körfuknattleik er hann skoraði 46,6 stig að meðaltali í leik tímabilið 1992-1993.[1][2] Mest skoraði hann 67 stig í einum leik en það er það næst mesta sem einn leikmaður hefur skorað í efstu deild karla á Íslandi.[3][4]
Wright gekk til liðs við Breiðablik í janúar 1993 eftir að hafa spilað með Turun NMKY í hinni finnsku Korisliiga fram að jólum.[5] Hann hafði verið með 44,7 stig að meðaltali í leik með Turun NMKY tímabilið 1991-1992 og mest skorað 79 stig í einum leik, sem er met í efstu deildinni í Finnlandi.[6][7]
[8]
Wright var valinn í stjörnuleik KKÍ í febrúar 1993.[9]
Í september 1994 gekk Wright til liðs við Grindavík[10] og lék með þeim tvo leiki á móti M7 Basket í Evrópukeppni félagsliða.[11] Í leikjunum tveimur skoraði hann 30 og 29 stig.[12][13]
Heimildir
Tilvísanir