Daga a tinengngel babaen ti Abagtan a Korea ket naipakita iti nangisit a berde; daga a tinunton ngem saan a tinengngel ket naipakita iti napusasaw a berde
Ti Abagatan a Korea (denggen (tulong·pakaammo)), opisial a ti Republika ti Korea (Koreano: Daehan Mingukdenggen), ket maysa a naturay nga estado idiay akin-abagatan a paset iti Koreano a Peninsula.[10] Naipalawag daytoy iti maysa a resolusion ti U.N. idi 1948 a kas daytoy laeng ti nalintegan a gobierno idiay Korea. Ti nagan a "Korea" is ket naala manipud iti Goryeo, maysa a dinastia a nagturay kadagti Tengnga a Panawen.
Dagiti kaarrubana ket ti Tsina iti laud, ti Hapon iti daya, ti Amianan a Korea iti amianan, ken ti Baybay Daya a Tsina iti abagatan. Ti Abagatan a Korea ket naisadag iti natemplado a sona ti amianan nga daytoy ket addan ti kaaduan kabanbantayan a dagdaga. Naksakup daytoy ti dagup a kalawa a 99,392 kuadrado kilometro[11] ken addaan iti populasion ti agarup a 51 a riwriw. Ti kapitoliona ken kadakkelan a siudad ket ti siudad ti Seoul, nga addaan iti populasion iti 10 a riwriw.
Ti arkeolohia ket mangipakpakita a ti Peninsula ti Korea ket sinakup idi babaen ti Akin-baba a Paleolitiko a paset ti panawen (2.6 Ma–300 Ka).[12][13] Ti pakasaritaan ti Korea ket mangrugi ti pannakapundar ti Gojoseon idi 2333 SK babaen ti naipakasaritaan a Dan-gun. Kalpasan ti panagkaykaysa ti Tallo a Pagpagarian ti Korea babaen ni Silla AD 668, ti Korea ket tinurayan idi babaen ti Dinastia a Goryeo (918–1392) ken Dinastia a Joseon (1392–1910). Daytoy ket insilpo babaen ti Imperio ti Hapon isi 1910. Idi patingga ti Maikadua a Gubat ti Sangalubongan, ti Korea ket nabingbingay idi kadagiti sona a panagsakup ti Sobiet ken Estados Unidos. Ti maysa a panagbubutos ket natengngel idti sona ti Estados Unidos idi 1948 a nakaiturongan ti pannakapartuat ti Republika ti Korea. Uray no ti Nagkaykaysa a Pagpagilian ket nangipasa iti resolusion a nangirangang a ti Republika laeng ti nainkalintegan a gobierno idiay Korea, dagiti Sobiet ket nangipatakderda iti kasuppiat a gobierno idiay Amianan.
Nangrugi ti Gubat ti Koreano idi 1950 idi rinaut ti Abagatan dagiti puersa manipud iti Amianan. Nagpaut ti gubat iti tallo a tawen ken nairaman ti Estados Unidos, Tsina, ti Kappon ti Sobiet, ken dagiti dadduma pay a pagpagilian. Ti pagbeddengan a nagbaetan kadagitoy dua a pagilian ket agtultuloy a kas ti kakaruan a napasammakedan iti lubong. Kadagiti dekada a simmaruno, ti ekonomia ti Abagatan a Korea ket dimmakkel unay ken ti pagilian ket nabaliwan iti maysa a nangruna nga ekonomia.[14] Ti sibilian a gobierno ket sinukatanna ti militar a turay idi 1987. Iti agdama, ti Abagatan a Korea ket addaan iti nainget a linteg ti panagtengngel ti paltog a mairanggo kadagiti pagilian nga addaan iti kabassitan a bilang dagiti armas iti tungngal maysa a tao.
Ti nagan a Korea ket nagtaud manipud iti Goryeo, a mangibagbaga ti taga-ugma a pagarian ti Goguryeo, ti immuna a dinastia ti Korea a binisita babaen dagiti agtagtagilako a Persiano a nangibagbaga iti daytoy iti Koryŏ (Goryeo; 고려) a kas Korea.[16] Ti termino a Koryŏ ket kaaduan pay a nausar tapno mangibaga ti Goguryeo, a bukod a nanginagan kaniana iti Koryŏ idia maika-5 a siglo. Uray ti kaadda dagiti panangiletra iti Corea ken Korea kadagiti pablaak ti maika-19 a siglo, adda met dagiti Koreano a namatmati a ti Imperio ti Hapon, iti dayta a panawen ti panagsakup ti Hapon, ket nangigagara ti naiyalagad a panangiletra iti Korea, a mangaramid ti Hapon nga umuna nga alpabetiko nga agparang.[17]
Babaen ti turay ti Hapon, ti "Joseon" ket nagbalin nga opisial a nagan para iti intero a teritorio, ngem saan daytoy a unibersal nga inaw-awat. Idi las-ud ti daytoy a panawen, adda met dagiti nadumaduma a grupo a nakilaban para iti pannakawayawaya, ti kadayegan ket ti Daehan Minguk Imsi Jeongbu.
Kalpasan ti panagsuko ti Hapon, idi 1945, ti Republika ti Korea (Daehan Minguk) ket naampon idi a kas ti nalinteg a nagan para iti baro a pagilian. Gapu ta ti gobierno ket tinengngelna laeng ti akin-abagatan a paset ti pagilian ti Koreano a Peninsula, naaramid idi ti inpormal a termino ti Abagatan a Korea , ken nagbalbalin daytoy a kadawyan iti Akinlaud a Lubong. Nupay kasta, dagiti Koreano ket agtultuloyda a a mangibagbaga ti masa ti daga wenno ti intero a peninsula a kas laeng ti Hanguk (Korea) wenno Namhan (Abagatan a Korea).
^Quinn, Joseph Peter (2019). "South Korea". Iti Demy, Timothy J.; Shaw, Jeffrey M. (dagiti ed.). Religion and Contemporary Politics: A Global Encyclopedia (iti Ingles). ABC-CLIO. p. 365. ISBN978-1-4408-3933-7.
^"Korea's Geography" [Ti Heograpia ti Korea]. Asianinfo.org (iti Ingles). 1 Pebrero 2010. Naala idi 13 Hulio 2010.
^"Gallery of Korea" (Press release) (iti Ingles). Royal Ontario Museum. 12 Disiembre 2005. Naiyarkibo manipud iti kasisigud idi 2010-01-08. Naala idi Abril 25, 2010.
^"Prehistoric Korea" [Prehistoriko a Korea]. Office of the Prime Minister [Opisina ti Primo Ministro] (iti Ingles). Naiyarkibo manipud iti kasisigud idi 2008-03-02.
^"Report for Selected Countries and Subjects" [Reporta para kadagiti Napili a Pagilian ken Suheto]. International Monetary Fund [Internasional a Pundo ti Panguartaan] (iti Ingles). Naiyarkibo manipud iti kasisigud idi 2011-04-30.
^Yunn, Seung-Yong (1996). "Muslims Earlier Contact with Korea" [Dagiti Nasapa a Pannakaiyasideg dagiti Muslim iti Korea]. Religious Culture In Korea [Relihioso a Kultura ti Korea] (iti Ingles). Hollym International. p. 99.
Amsden, Alice H. (1992). Asia's Next Giant: South Korea and Late Industrialization (iti Ingles). Oxford University Press. ISBN0-19-505852-6.
Breen, Michael (2004). The Koreans: Who They Are, What They Want, Where Their Future Lies (iti Ingles) (Rev. and updated nga ed.). St. Martin's Griffin. ISBN978-0-312-32609-8.
Lew, Yong Ick (2013). The Making of the First Korean President: Syngman Rhee's Quest for Independence (iti Ingles). University of Hawai'i Press.
Nahm, Andrew C. (1996). Korea: A History of the Korean People (iti Ingles) (Maika-2 nga ed.). Hollym. ISBN978-1-56591-070-6.
Schneidewind, Dieter K. (2016). Economic Miracle Market South Korea: A Blueprint for Economic Growth in Developing Nations (iti Ingles). Springer. ISBN978-981-10-0613-5.
Yang, Sung-chul (1999). The North and South Korean Political Systems: A Comparative Analysis (iti Ingles) (Rev. nga ed.). Seoul: Hollym. ISBN978-1-56591-105-5.