Ti Teritorio ti Isla ti Paskua ket teritorio ti Australia idiay Taaw Indiano. Daytoy ket addaan iti populasion iti 2,072 nga agtataeng nga agnanaed kadagiti nadumaduma a "Pagtaengan a luglugar" idiay akin-amianan nga ungto ti isla: ti Flying Fish Cove (naam-ammuan pay a kas ti Kampong), Silver City, Poon Saan, ken Drumsite. Kaaduan ti populasion ket Australiano nga Insik. Daytoy ket tinawtawaga a kas Isla ti Paskua gapu ta naduktalan daytoy iti Aldaw ti Paskua.
Ti heograpiko a pannakaisalsalumina ti isla ken ti naipakasaritaan a bassit a pannakadisturbo ti tattao ket nakaiturongan ti nangato nga agpang ti endemismo kadagiti bukodna a flora ken fauna isu a kaaduan daytoy iti pannakainteresado dagiti sientista ken dagiti naturalista.[2] 63% iti bukodna a 135 kuadrado kilometro (52 sq mi) ket nailian a parke ti Australia. Adda met dagiti dadakkel a luglugar a kaaduanna ket katuduan a bakir.
Dagiti nota
^Opisina dagiti Estadistika ti Australia (31 Oktubre 2012). "Isla ti Paskua". 2011 Census QuickStats. Naala idi 30 Hulio 2013.
"Flora: Endemic plants". Parks and Reserves: Christmas Island National Park. Australia Government – Dept of Sustainability, Environment, Water, Population and Communities. 21 Nobiembre 2012. Naala idi 25 Disiembre 2012.