Un telescopio[1] es un systema optic que permitte vider objectos lontan, tote allargante su mesura angular e su luminositate apparente. Probabilemente le telescopios son le utensile plus importante in astronomia e astrophysica. Tote e que con le parola "telescopio" on se accostuma referer al telescopios optic, il ha telescopios pro quasi tote le frequentias del spectro electromagnetic.
Tote telescopio optic es formate per un objectivo e un ocular. Le objectivo forma un imagine (normalmente real) del objecto lontan super su plan focal; iste imagine es tunc allargate per le ocular o ben impressionate super un pellicula photographic o detegite per un camera CCD. Si le objectivo es un lente se parla de telescopio refragente (refractor), si le objectivo es un speculo concave se parla de telescopio reflectente; si utilisa un combination de lentes e speculos se nomina telescopio catadioptric.
Iste pagina contine material traducite ab Wikipedia in catalano. Le articulo original se trova a ca:Telescopi, e es usate secundo le mandatos del licentia de Wikipedia.
