PROFILPELAJAR.COM

David Thorstad
David Thorstad
Sexo	mascule
Nascentia	1941-06-06 (Statos Unite de America)
Decesso	2021-08-01
Citatania	Statos Unite de America
Occupation	historico[*]
Religion	atheismo
Identificatores
ISNI	0000000066734307
VIAF	92729500

David Thorstad (n. 6 de junio 1941)^[1] es un activista politic statunitense e historico del movimento pro le derectos del homosexuales desde le decade de 1970. Ille esseva membro fundator del North American Man/Boy Love Association (NAMBLA) e presidente del Gay Activists Alliance de New York.^[2]

Durante plus de six annos ille pertineva al Partito Socialista del Travalio (SWP), de tendentia trotskystic, e ille esseva redactor de su bulletin, The Militant. Ille abandonava le SWP in decembre 1973, allegante un manco de interesse de parte del organisation verso le movimento de liberation gay e le fiasco de isto quanto al disveloppamento de un "analyse materialista marxista". In 1976 ille autoeditava un compilation de documentos interne del partito concernente le debatto super le movimento de liberation gay, con le titulo Gay Liberation and Socialism: Documents from the Discussions on Gay Liberation Inside the Socialist Workers Party (1970-1973).^[3] In le initio del annos septanta ille esseva presidente del GAA, gruppo leader del movimento de liberation gay de New York.

In junio 1973, Thorstad e John Lauritsen publicava in le Bulletin Discussion, bulletin interne de debatto del SWP, un studio de 14 paginas titulate The Early Homosexual Rights Movement (1864-1935), que tentava demonstrar que le movimento de liberation gay habeva un longe e importante historia, particularmente in Germania. Illo esseva ampliate le anno sequente in un libro de 92 paginas con le mesme titulo, publicate per Times Change Press, un editorial de New York specialisate in libros feministic e progressistic.^[4] Le libro esseva traducite al espaniol^[5] e al germano.^[6]

In 1978 ille esseva un del fundatores de NAMBLA, le organisation le plus importante del activismo pedophile, in le qual ille fungeva como membro del committee directive usque a septembre 1996.

In 1985 ille publicava le libro A Witchhunt Foiled: The FBI vs. NAMBLA^[7], ubi ille documentava le factos evenite intorno al false accusation del disparition del puero Etan Patz contra un membro de NAMBLA^[8], que supponeva un publicitate multo negative pro le organisation.

In le anno 2000 Thorstad ipse esseva un del membros de NAMBLA accusate de homicidio involuntari per le matrimonio formate per Robert e Barbara Curley, depost un processo anterior contra NAMBLA initiate per le mesme matrimonio, classate postquam le American Civil Liberties Union (Union American pro le Libertates Civil) interveniva pro defender le libertate de expression de NAMBLA.^[9] Le processo contra Thorstad e le altere membros esseva archivate in 2008 pro manco de provas.^[10]

Thorsard defini le membros del movimento moderne pro le derectos del homosexuales como "zombies politicamente correcte" e le "radicalismo de gruppos como Queer Nation" como "grottesc e offensive".

Su punctos de vista appare resumite in su articulos "Man/Boy Love and the American Gay Movement", in Male Intergenerational Intimacy: Historical, Socio-Psychological and Legal Perspectives (Theo Sandfort, Edward Brongersma e Alex van Naerssen)^[11], e "Homosexuality and the American Left: The Impact of Stonewall", in Gay Men and the Sexual History of the Political Left (Gert Hekma, Harry Oosterhuis e James Steakley).^[12]

Referentias

↑ Hocquenghem, Guy; Hennig, Jean-Luc; Thompson, Michael; Soukaz, Lionel. Le Gay Voyage: Guide et regard homosexuels sur les grandes métropoles. Paris: Albin Michel, 1980.
↑ Hubert, Kennedy. "Sexual Hysteria—Then and Now", Gay and Lesbian Historical Society of Northern California, OurStories, 1991, pp. 17–18.
↑ Gay Liberation and Socialism: Documents from the Discussions on Gay Liberation Inside the Socialist Workers Party (1970-1973). New York: [s. n.], 1976.
↑ Lauritsen, John; Thorstad, David. The homosexual rights movement (1864-1935). [s. l., s. n.], 1973.
↑ Lauritsen, John; Thorstad, David. Los primeros movimientos en favor de los derechos homosexuales, 1864-1935. Barcelona: Tusquets, 1974.
↑ Lauritsen, John; Thorstad, David. Die frühe Homosexuellenbewegung: 1864 - 1935. Hamburgo: Libertäre Assoz, 1984.
↑ Kennedy, Hubert. "A Witch-hunt foiled: The FBI vs. NAMBLA". The Advocate, nro 446 (1986-05-13), p. 54.
↑ Jenkins, Philip. Moral Panic: Changing Concepts of the Child Molester in Modern America. Yale: Yale University Press, 2004. ISBN 978-0-300-10963-4.
↑ Reinstein, John. "ACLU Agrees to Represent NAMBLA in Freedom of Speech Case" (in anglese). ACLU of Massachusetts Press Release, 9-6-2003.
↑ Saltzman, Jonathan. Curley family drops case against NAMBLA, The Boston Globe, April 23, 2008
↑ Sandfort, Theo; Brongersma, Edward. Male Intergenerational Intimacy: Historical, Socio-Psychological, and Legal Perspectives New York: Haworth Press, 1990. ISBN 978-0-918393-78-4.
↑ Hekma, Gert; Oosterhuis, Harry; Steakley, James. Gay Men and the Sexual History of the Political Left. Binghamton: Harrington Park Press, 1995. ISBN 1-56023-067-3.