|
יִשְׂמַח לִבִּי וְקִרְבִּי,
וְיָגֵל דָּמִי וַחֲלָבִי
וְיָרוּם וְנִשָּׂא[1] מַצָּבִי,
לְעֵת יָקִיץ אַרְיֵה וְלָבִיא[2]
וֵאלֹהֵי אָבִי לִי יָבִיא
אֶת אֵלִיָּהוּ הַנָּבִיא אֵת אֵלִיָּהוּ הַנָּבִיא
וְנִחוּמִים יִמָּלְאוּ כִּלְיוֹתַי,
וְשָׂשׂוֹן יְדַשֵּׁן עַצְמוֹתַי
וּמִצִּיּוֹן תָּבֹאנָה תַנְחוּמוֹתַי,
כִּי יֵהָפֵךְ לְשַׁחַר עֲרִָבִי
וֵאלֹהֵי אָבִי לִי יָבִיא
אֶת אֵלִיָּהוּ הַנָּבִיא אֵת אֵלִיָּהוּ הַנָּבִיא
וּמִגָּלוּת לִי יִקְרָא דְרוֹר,
וּמִמַּחֲשָׁךְ אֵצֵא לָאוֹר
וּמֵאֶרֶץ מַאְפֵּלְיָה[3] לְהַר הַמּוֹר,
וּלִמְרוֹם הָרִים מִמַּעֲמַקֵּי בּוֹר,
וּמְבַשֵּׂר טוֹב יָנִיס כָּל־עֲצָבִי
וֵאלֹהֵי אָבִי לִי יָבִיא
אֶת אֵלִיָּהוּ הַנָּבִיא אֵת אֵלִיָּהוּ הַנָּבִיא
וּבָנַי הַנְּפוֹצִים מַעֲבָרִים,
יֵאָסְפוּ יַחַד לַעֲדָרִים
וְיָרֹנּוּ בְּרֹאשׁ הֶהָרִים[4],
לְלַקֵּט כָּל־הַנִּפְזָרִים
אֶל־אֶרֶץ תְּאֵנִי וַעֲנָבִי
וֵאלֹהֵי אָבִי לִי יָבִיא
אֶת אֵלִיָּהוּ הַנָּבִיא אֵת אֵלִיָּהוּ הַנָּבִיא
וְלִלְבָבוֹת אֲמוּלוֹת, רוּחַ חַיִּים,
וְלִפְרָחִים קְמוּלִים, טַל שָׁמַיִם,
וְלִנְפָשׁוֹת נוֹאָשִׁים חֶלֶד מִצָּהֳרַיִם,
עַתָּה יָקוּם מִיּהוּדָה וִירוּשָׁלַיִם,
לְשַׂמֵּחַ לְבַב נְעָרִי וְשָׁבִי
וֵאלֹהֵי אָבִי לִי יָבִיא
אֶת אֵלִיָּהוּ הַנָּבִיא אֵת אֵלִיָּהוּ הַנָּבִיא
וְחַלָּשִׁים נִדְכָּאִים יִמָלְאוּ גְבוּרָה,
וְסוּכָּה נוֹפֶלֶת[5] לְחוֹמָה בְּצוּרָה
וַעֲלוּבַת נֶפֶשׁ בְּשִׂמְחָה אֲזוּרָה,
וּלְיִשְׂרָאֵל יֵאָמֵר: עוּרָה עוּרָה
וְיָשׁוּב וּפָרַח וָחַי לְבָבִי
וֵאלֹהֵי אָבִי לִי יָבִיא
אֶת אֵלִיָּהוּ הַנָּבִיא אֵת אֵלִיָּהוּ הַנָּבִיא
| 