Mike Falkow (an Haife shi a ranar 25 ga watan Agusta 1977), ɗan wasan kwaikwayo ne na Afirka ta Kudu, marubuci, darekta kuma furodusa haka nan kuma ƙwararren mai wasan hawa igiyar ruwa ne.[1] An fi saninsa da rawar ɗaya taka a cikin fina-finan Invictus, Deceived da Smokin 'Aces.[2][3]
Rayuwa ta sirri
An haifi Falkow a ranar 25 ga watan Agusta 1977 a Durban, Afirka ta Kudu.[4][5][6] Yana da ɗan'uwa ɗaya, Cokey Falkow, ɗan wasan kwaikwayo kuma ɗan wasan barkwanci.[7][8]
Sana'a
Yana da digiri a fannin Zane da Wallafawa kuma ya yi aiki a matsayin mai tsarawa da kuma darektan kirkire-kirkire na kamfanonin watsa labarai, hukumomi da kamfanoni. Kafin shiga wasan kwaikwayo, ya yi aiki a matsayin ƙwararren mai hawan igiyar ruwa a duniya tsawon shekaru da yawa. Sannan ya zauna a Los Angeles kuma ya yi aiki a matsayin Daraktan Fasaha na Mujallar Rogue a Los Angeles.[9]
A cikin shekarar 2001, ya fara fitowa a talabijin tare da serial That '70s Show. A wannan shekarar, ya fara fitowa fim tare da Dawn of Our Nation kuma ya taka rawar a matsayin "Sojan Birtaniya". Sannan ya fito a fina-finai da dama kuma ya taka rawar goyon baya da suka haɗa da; Smokin'Aces, The House Bunny. Tun a shekarar 2009, ya sami damar fitowa a yawancin shirye-shiryen talabijin na duniya da fina-finai irin su Invictus, Law & Order: LA, Free Willy: Escape From Pirate's Cove, Scorpion, Deceived and NCIS.[10][11][12]
