PROFILPELAJAR.COM

Óbidos, Portugal
	Óbidos (pt)
Localización
	39°21′43″N 9°09′26″O / 39.361952, -9.157131
Estado	Portugal
Distritos	Distrito de Leiria
Contén a división administrativa	A-dos-Negros (pt) ; Amoreira (pt) ; Gaeiras (pt) ; Olho Marinho (pt) ; Santa Maria, São Pedro e Sobral da Lagoa (pt) ; Usseira (pt) ; Vau (pt)
Poboación
Poboación	11.689 (2011) (82,58 hab./km²)
Xeografía
Superficie	141,55 km²
Altitude	49 m
Comparte fronteira con	Bombarral (pt) ; Lourinhã ; Peniche ; Caldas da Rainha
Datos históricos
Día festivo	festa patronal (11 de xaneiro)
Santo padrón	Santa María
Organización política
Membro de	Rede de cidades creativas (2015–)
Identificador descritivo
Código postal	2510
Prefixo telefónico	262
Outro
Irmandado con	Gramado ; Lagos ; Río de Xaneiro (2023–)
Sitio web	cm-obidos.pt

Óbidos é unha vila portuguesa do distrito de Leiria, na rexión Centro e subrexión do Oeste, na antiga provincia de Estremadura. Forma parte tamén da Rexión de Turismo do Oeste, con cerca de 3.100 habitantes.

É capital dun concello de 142,17 km² de área e con 11.922 habitantes (2021)^[1], subdividido en 9 freguesías. O municipio está limitado a nordeste e leste polo das Caldas da Rainha, ao sur polo de Bombarral, a suroeste pola Lourinhã, a oeste por Peniche e a noroeste ten costa no océano Atlántico.

Freguesías

As parroquias de Óbidos son as seguintes:

Étimo do nome

Ao contrario do que se poida pensar, o nome Óbidos non deriva da parónima óbitos, senón do termo latino oppidum, significando «cidadela», «cidade fortificada», mais a evolución lingüística non é portuguesa, senón propia de romances mozárabes. Nas súas proximidades érguese a poboación romana de Eburobrittium.

Historia

Foi tomada aos mouros en 1148, e recibida a primeira carta foral en 1195, so o reinado de Sancho I. Óbidos era parte do dote de inúmeras raíñas de Portugal, salientando Urraca de Castela (esposa de Afonso II), santa Sabela de Portugal (esposa de Dinís), Filipa de Lencastre (esposa de Xoán I), Lionor de Aragón (esposa de Duarte), Lionor de Portugal (esposa de Xoán II), entre outras.

No 1527, vivían 161 habitantes na vila, o que correspondería a cerca de 1/10 da poboación do municipio. A área amurallada era xa nesa época idéntica á actual, ou sexa, 14,5 ha.

Foi de Óbidos onde naceu o concello das Caldas da Rainha, anteriormente chamado de Caldas de Óbidos (a mudanza do determinativo debeuse ás tempadas que aí pasou a raíña Dª. Lionor).

O 16 de febreiro de 2007, o castelo da cidade recibiu o diploma de candidata como unha das sete marabillas de Portugal.

Patrimonio monumental

A peculiar arquitectura de Óbidos, con rúas estreitas e casas pintadas de branco, ten atraído o turismo para a localidade, de xeito que todo o casco urbano intramurallas é digno de ser visitado. Con todo cómpre salientar os seguintes sitios de interese:

Pelouriño de Xoán II.
Casa do Telheiro.
Igrexa de Santa María, orixinada en época moi anterior, foi totalmente modificada no século XVI, con pinturas de notables portugueses como Joâo da Costa, Baltasar Gomes Figueira e a española Josefa de Óbidos.
Igrexa da Misericordia, barroca.
Igrexa de San Pedro, retablo con pinturas de Joâo da Costa.
Castelo, que conserva elementos antigos, e coa igrexa de Santiago, modificada en sucesivas épocas.
Museo Municipal, posúe restos arqueolóxicos e artísticos, como as pinturas de Josefa de Óbidos.