Left Field – 355 ft (108,2 m) Left-Center – 368 ft (112,2 m) Center Field – 400 ft (121,9 m) Right-Center – 368 ft (112,2 m) Right Field – 353 ft (107,6 m) Backstop – 60 ft 6 in (18,4 m) Dimensións en pés
Wrigley Field é un parque de béisbol situado no North Side de Chicago, Illinois (Estados Unidos). É o estadio local dos Chicago Cubs, un dos dous equipos de béisbol da cidade que compiten na Major League Baseball (MLB). Foi inaugurado en 1914 co nome de Weeghman Park. Os Cubs xogaron o seu primeiro partido como local no parque o 20 de abril de 1916, nun encontro no que venceron aos Cincinnati Reds por 7–6 tras once entradas. Tras a compra do equipo en 1921 por parte do magnate da industria da goma de mascar William Wrigley Jr., da Wrigley Company, o estadio mudou de nome a Cubs Park (1920−1926) e finalmente ao actual Wrigley Field en 1927.
