Woody Woodpecker (coñecido en Galiza polas dobraxes hispanoamericanas coma El Pájaro Loco (o Paxaro Tolo) e co nome Loquillo) é un personaxe animado de ficción que aparecía nas curtametraxes animadas do estudio de Walter Lantz e distribuídas pola Universal Studios. Woody é un peto ou picapau^[1] da especie norteamericana Melanerpes formicivorus e foi creado polo artista de storyboards Ben Hardaway, creador tamén de Bugs Bunny e Daffy Duck (o Pato Lucas), da Warner Bros.

A voz de Woody foi dobrada orixinalmente por Mel Blanc, e posteriormente polo propio Ben Hardaway e por Grace Stafford, dona de Walter Lantz.

A primeira aparición de Woody Woodpecker foi na curtametraxe de Andy Panda Knock Knock, o 25 de novembro de 1940, o éxito deste tolo paxaro fixo que protagonizase a súa propia serie de curtas, a primeira das cales se chamaría coma o personaxe, Woody Woodpecker, o 7 de xuño de 1941. As curtas de Woody Woodpecker emitiríanse nos cinemas na década de 1970, cando se deixarían de estrear novas curtametraxes protagonizadas polo personaxe, se ben desde os anos 1950 moitas curtas serían reemitidas na televisión, no Show de Woody Woodpecker, e nos anos 1990 o personaxe protagonizaría unha nova serie televisiva. A frase máis característica deste tolo personaxe era Guess Who? (Adiviña quen), e repetíaa ao comezo de cada curta, seguida da súa inconfundible gargallada.

Woody Woodpecker ten unha estrela no Paseo da Fama de Hollywood. Ademais é a imaxe principal dos parques de divertimento da Universal Studios, sendo por iso imaxe do parque temático Port Aventura en Tarragona (que fora Universal Studios nunha época).

• 
  Walter Lantz, o creador.

• Betty Boop
• Popeye
• Felix the Cat

• Páxina web oficial da Universal sobre Woody Woodpecker (en inglés)
• Woody Woodpecker a Don Markstein's Toonopedia (en inglés)
• Woody Woodpecker a the Walter Lantz Cartune Encyclopedia (en inglés)
• Curt de Woody Woodpecker en dominio público, Pantry Panic (en inglés)