Voz del Pueblo foi un periódico semanal editado en Santiago de Compostela entre 1913 e 1916.

Subtitulado Semanario independiente, apareceu o 4 de agosto de 1913. Dirixido por Álvaro Rey Feijóo e despois por Antonio de la Cruz Díaz ata o 9 de novembro de 1914 en que foi substituído por Ramón Rivera Torres,^[1] na súa redacción inicial estaba Manuel María González López e entre os seus colaboradores Juan Montes. De tendencia maurista independente e antilerrouxista, incluíu colaboracións literarias de poetas galegos. Cesou o 27 de xaneiro de 1916 (co número 137) refundido con Gaceta de Galicia.

• Lista de publicacións impresas da provincia da Coruña