Vicente Manuel Cociña Vizoso, nado en Celeiro (Viveiro) o 13 de febreiro de 1818 e finado en Córdoba o 29 de abril de 1854, foi un político e xornalista galego.
Traxectoria
Realizou os seus primeiros estudos no Colexio da Natividade de Viveiro e despois Dereito e Filosofía na Universidade de Santiago de Compostela. En 1842 foi elixido presidente da Academia Literaria de Santiago. Fundou, xunto con Tiburcio Faraldo, o periódico El Centinela de Galicia (1843). Tiña en proxecto a edición do periódico El Órgano del Siglo Veinte en Santiago de Compostela, aínda que non chegou a ver a luz. Foi deputado por Viveiro en 1850 e 1853. Dirixiu El Oriente de Madrid (1853), órgano do novo partido Unión Liberal, onde tiña como compañeiros de redacción a Tiburcio Faraldo e Luís de Trelles. A inserción de determinados artigos considerados demasiado combativos neste xornal motivou a súa persecución e a dos xornalistas que traballaban nel. Como consecuencia fuxiu a Córdoba, onde faleceu.
Atribúeselle a autoría da Reseña histórica de los últimos acontecimientos de Galicia (1846)[1] inda que tamén se atribúe a José Rúa Figueroa.
Obras
- Un sueño en Estambul en el año 1550, 1840.
- Lecciones críticas de la historia del derecho romano y español, 1841.
- Discurso pronunciado por el presidente de la Academia Literaria en la sesión general de la reposición de cargos del año 1842, 1842.
Vida persoal
Casou con Concepción Riveira e foi pai de Aliatar, Acacia e Camelia Cociña Riveira.
Notas
Véxase tamén
Bibliografía
Outros artigos
Ligazóns externas
