Nada na emigración suíza, aos 6 anos a familia retornou a Forcarei. Fixo os estudos primarios no CEIP Nosa Señora das Dores e os secundarios no IES Chano Piñeiro. Licenciada e posgraduada en Dirección e Planificación do Turismo pola Universidade da Coruña e máster en Xornalismo e Comunicación Dixital por Euroinnova Formación.
Nas eleccións municipais de 2015 presentouse na candidatura do PSdeG-PSOE á alcaldía de Forcarei, pero non foi elixida. En febreiro de 2017 tomou posesión como concelleira logo da renuncia de Miguel Pereira. En outubro de 2017 pasou a formar parte do comité nacional do PSdeG-PSOE. Nas municipais de 2019 encabezou a candidatura do PSdeG-PSOE e foi elixida alcaldesa de Forcarei.[1]
