Las Palmas Atlético
Nome	Unión Deportiva Las Palmas Atlético
Fundación	1941
Estadio	Anexo do Estadio Gran Canaria, As Palmas, España
Capacidade	500
Presidente	Miguel Ángel Ramírez
Adestrador	Víctor Afonso
Liga	2ªB – Grupo 1
2012–13	1º (3ª – Grupo 12)
Na rede
http://www.udlaspalmas.es/
Titular Alternativo

A Unión Deportiva Las Palmas Atlético é un club de fútbol español da cidade de Las Palmas, nas Illas Canarias. Foi fundado en 1941 e trátase do equipo filial da UD Las Palmas. Actualmente xoga na Segunda División B, logo de ascender na tempada 2012/13.

O Las Palmas Atlético foi fundado como tal en 1977 cando consegue o seu primeiro ascenso a Terceira División, aínda que desde 1941 existen precedentes de filiais, cando se fundou como Unión Atlética. En 1958 pasou a chamarse Las Palmas Aficionado.^[1]

O equipo militou sempre entre a divisións Terceira e Segunda B, á que ascendeu por primeira vez en 1979, permanecendo tres tempadas consecutivas.

Na tempada 1984/85 alcanzou a final da Copa da Liga de Terceira División, que lle enfrontou á Unión Balompédica Conquense. Tras derrotar como local ao equipo de Cuenca por 2-0, caeu por 4-1 na prórroga do partido de volta.

O último ascenso produciuse na tempada 2007/08. Nesa mesma tempada recuperouse a denominación Las Palmas Atlético, en lugar de Las Palmas B que levaba desde 1991. Na tempada 2008/09 acabou no posto 16 debendo xogar unha eliminatoria de permanencia, que ao ser derrotado polo Sporting de Gijón B, devolveu ao equipo a Terceira División.

Na tempada 2012/13 quedou primeiro do grupo canario de Terceira División e xogou a eliminatoria de ascenso a Segunda División B contra o equipo asturiano CD Tuilla, ao que gañou por un global de 4-1.

• Uniforme titular: Camiseta amarela, pantalón e medias azuis.
• Uniforme alternativo: Camiseta, pantalón e medias negras.

• Tempadas en 2ª: 0
• Tempadas en 2ªB: 7 (Incluída a 2013/14)
• Tempadas en 3ª: 28
• Mellor posto histórico: 9º (2ªB, tempada 1979-80)
• Posto na clasificación histórica de filiais: 26º

• Copa Federación (1): 1995
• Terceira División Española (7): 1979, 1983, 1990, 1992, 1999, 2000, 2007
• Subcampión da Terceira División (6): (1986, 1987, 1989, 2008, 2010, 2011
• Subcampión da Copa da Liga de Terceira División: 1984-85

• Trofeo Teide (2): 1979, 1980
• Torneo de San Ginés (9): 1970, 1971, 1974, 1976, 1979, 1980, 1982, 1988, 1994
• Trofeo San Antonio (1): 2008

• Páxina oficial do club (en castelán)