Under sandet é un filme dinamarqués-alemán de 2015 dirixido por Martin Zandvliet. Foi elixido para a súa estrea na sección Plataforma do Festival Internacional de Cinema de Toronto de 2015.[3] Foi escollido como candidato de Dinamarca, e finalmente nomeado, para o Óscar ó mellor filme en lingua non inglesa na 89ª edición dos premios.[4][5][6]
O filme está inspirado en feitos reais e conta a historia de prisioneiros de guerra alemáns enviados a limpar campos de minas en Dinamarca despois do remate da segunda guerra mundial.
Sinopse
O sarxento do exército dinamarqués Carl Leopold Rasmussen é encargado de dirixir un pelotón de prisioneiros do exército alemán en maio de 1945, despois da liberación de Dinamarca na segunda guerra mundial. A súa misión é limpar de minas terrestres unha praia do oeste de Dinamarca. Rasmussen odia profundamente os alemáns, aos que considera inimigos que invadiron a súa patria, e manifesta ese odio con agresións e vexacións aos prisioneiros cada vez que pode. A Rasmussen asígnanlle un grupo de catorce soldados cunha media de vinte anos. Ao velos, non se acovarda ante a realidade de seren adolescentes.
Personaxes
- Roland Møller como Sarxento Carl Leopold Rasmussen
- Mikkel Boe Følsgaard como Capitán Ebbe Jensen
- Laura Bro como Karin
- Louis Hofmann como Sebastian Schumann
- Joel Basman como Helmut Morbach
- Oskar Bökelmann como Ludwig Haffke
- Emil Belton como Ernst Lessner
- Oskar Belton como Werner Lessner
- Leon Seidel como Wilhelm LeBern
- Karl Alexander Seider como Manfred
- Maximilian Beck como August Kluger
- August Carter como Rodolf Selke
- Tim Bülow como Hermann Marklein
- Alexander Rasch como Friedrich Schnurr
- Julius Kochinke como Johann Wolff
- Zoe Zandvliet como Elizabeth
Notas
Véxase tamén
Outros artigos
Ligazóns externas
