Umia y Lérez foi un periódico editado en Buenos Aires entre 1923 e 1935.

Subtitulado Órgano de la Sociedad Residentes del Ayuntamiento de Forcarey en el Plata Pro Cultura y Protección, apareceu en maio de 1923. Publicación mensual órgano oficial da sociedade editora para informar do seu labor societario. Estaba dirixida por Pedro Campos Couceiro e o administrador era Enrique Chamoso. En xullo de 1926 pasou a dirixilo Manuel Pichel^[1]. Publicou artigos de carácter político sobre a situación galega cunha orientación republicana e autonomista e colaboracións literarias e artigos divulgativos. Incluíu tamén artigos sobre a comarca de orixe na sección "Noticias de Forcarey", colaboracións de Santiago Gómez Tato e José María Cabadas Vilar e novas sociais.

• Gran Enciclopedia Galega Silverio Cañada (DVD). El Progreso. 2005. ISBN 84-87804-88-8. 

• Publicacións impresas da diáspora galega

• Ficha no Catálogo de publicacións periódicas do Arquivo da Emigración Galega