Troy Kotsur

(2022)
Biografía
Nacemento	24 de xullo de 1968 (56 anos) Mesa, Estados Unidos de América
Educación	Universidade Gallaudet (pt) American River College (en) Westwood High School (en)
Actividade
Ocupación	actor, director de cinema
Familia
Cónxuxe	Deanne Bray (2001–)
Premios
(27 de marzo de 2022)  Óscar ó mellor actor secundario, premiado polo traballo CODA

Troy Michael Kotsur, nado en Mesa, Arizona, o 24 de xullo de 1968, é un actor estadounidense. A súa interpretación no filme CODA valeulle un Óscar ao mellor actor secundario de 2021,^[1] entre outros premios.

Kotsur é fillo de JoDee (de solteira True) e Leonard Stephen "Len" Kotsur, xefe de policía de Mesa.^[2] Cando Kotsur tiña nove meses, os seus pais descubriron que era xordo e aprenderon a lingua de sinais americana para que a familia puidese comunicare. Os pais de Kotsur incentivárono para que practicase deportes e fixese amizade con nenos ouvintes no seu barrio. Kotsur asistiu á Phoenix Day School for the Deaf, onde se interesou pola actuación. Formouse na Westwood High School. No ensino medio, o seu profesor de teatro animouno a participar no espectáculo de variedades sénior, e interpretou unha escena de pantomima que foi recibida positivamente e o motivou a seguir no teatro.^[3]

Despois que Kotsur se formou no ensino medio, realizou prácticas na KTSP-TV (posteriormente KSAZ-TV). Aínda que aspiraba a dirixir, nas prácticas axudaba a un editor e non se sentía conectado coas persoas, lembrando: "O meu soño de dirixir esvaeuse despois de que aceptei o feito de vivir nun mundo que non usaba a miña lingua".^[4] Entón asistiu á Universidade Gallaudet de 1987 a 1989 e estudou teatro, televisión e cinema.

Cando Kotsur recibiu unha oferta de traballo como actor do Teatro Nacional dos Xordos (NTD), aceptou e deixou o Gallaudet para facer unha xira co NTD durante dous anos, actuando en dúas obras. En 1994 comezou a traballar para o Deaf West Theatre nos Ánxeles, actuando e dirixindo diversas producións.^[5] No teatro, os seus papeis incluíron Stanley en A Streetcar Named Desire, Lenny en Of Mice and Men e o príncipe Hamlet en Ophelia.

En 2021, Kotsur apareceu na longametraxe CODA nun papel secundario como o pai xordo dunha filla adolescente ouvinte. A directora Sian Heder viu por primeira vez as súas interpretacións nas producións de Deaf West de Our Town e At Home at the Zoo de Edward Albee e contratouno como parte do elenco. A NPR informou que a actuación de Kotsur en CODA "impresionou tanto o público como a crítica".^[6]

Kotsur tamén dirixiu a longametraxe No Ordinary Hero: The SuperDeafy Movie (2013).

Kotsur está casado coa actriz Deanne Bray.

• Troy Kotsur en Internet Movie Database (en inglés)