O Trofeo Hannu Saintula (en finés Hannu Saintula -palkinto) é un galardón individual entregado anualmente pola Federación de Hóckey sobre Xeo de Finlandia. O premio foi outorgado por primeira vez na tempada 2011-12 á mellor adestradora ou adestrador da Naisten Liiga, a máxima categoría do hóckey sobre xeo feminino en Finlandia. O trofeo recibe o seu nome en honor do ex seleccionador feminino finlandés Hannu Saintula.

Sami Haapanen é o adestrador que máis veces recibiu o galardón cun total de tres, sempre dirixindo ao equipo de Espoo coas súas diferentes denominacións.

O Trofeo Hannu Saintula é o único trofeo da Naisten Liiga que non ten nome de muller.

En letra grosa as adestradoras e adestradores do equipo que se proclamou esa tempada campión de liga.

Tempada	Equipo	Xogadora	Nacionalidade	Ref.
2011–12	Kärpät	Seppo Karjalainen	Finlandia	[1]
2012–13	Blues	Kai Jansson	Finlandia	[2]
2013–14	Blues	Sami Haapanen	Finlandia
2014–15	JYP	Katja Saari	Finlandia	[3]
2015–16	JYP	Katja Saari	Finlandia	[4]
2016–17	Kärpät	Mira Kuisma	Finlandia	[5]
2017–18	Team Kuortane	Jari Risku	Finlandia
2018–19	Blues	Sami Haapanen	Finlandia
2019–20	KalPa	Marjo Voutilainen	Finlandia	[6]
2020–21	HIFK	Saara Niemi	Finlandia	[7]
2021–22	K-Espoo	Sami Haapanen	Finlandia	[8]
2022–23	HIFK	Saara Niemi	Finlandia	[9]
2022–23	HPK	Jari Risku	Finlandia	[10]

• Trofeos da Naisten Liiga