The Woods
Álbum de Sleater-Kinney
Publicado	24 de maio do 2005
Gravación	novembro - decembro do 2004
Estudio(s)	Tarbox Road Studios, Cassadaga, Nova York
Duración	48:03
Xénero(s)	rock alternativo, punk rock
Selo(s)	Sub Pop
Produtor	Dave Fridmann
Cronoloxía
One Beat (2002) The Woods Start Together (2014)
Na rede
[ editar datos en Wikidata ]
v c e

The Woods é o sétimo álbum de estudio da banda de punk rock estadounidense Sleater-Kinney, editado o 24 de maio do 2005 a través do selo Sub Pop Records. O álbum foi producido por Dave Fridmann, que traballara anteriormente con artistas como The Flaming Lips e Mercury Rev. O traballo foi aclamado pola crítica e representa un cambio estilístico con respecto aos seus lanzamentos anteriores, fusionando elementos dun álbum orientado cara ao rock co son punk rock caracteríatico do trío, mentres que continuaban cos mesmo temas líricos como o consumismo e as relacións persoais.

The Woods tamén está dispoñible como drobre vinilo. Algunhas copias foron deitas co típico vinilo negro, pero outras foron coloreadas. Nesta últimas o primeiro disco é dun verde xaspeado claro e o segundo e dun marrón avermellado, coa cara D impresa para asemellarse ao corte horizontal dun tronco.

A revista musical en liña Pitchfork Media colocou a The Woods no número 127 da súa lista dos 200 mellores álbums da década do 2000^[1]. Rolling Stone situouno no número 70 dos seus 100 mellores álbums desa década. Tiny Mix Tapes elixiuno o 89 na lista Favorite 100 Albums of the 2000s^[2]. Ademais, a revista Time incluíuno na súa lista dos 10 mellores álbums do ano 2005^[3].

Tódolos temas escritos e compostos por Sleater-Kinney.