The Incredible String Band
The Incredible String Band en 1970
Orixe	Edimburgo, Escocia
Período	1966–1974 1999–2006
Xénero(s)	folk psicodélico, folk progresivo, folk rock
Selo(s) discográfico(s)	Elektra Records, Island Records
Antigos membros	Mike Heron Robin Williamson Clive Palmer Licorice McKechnie Rose Simpson Malcolm Le Maistre Stan Schnier Jack Ingram Gerard Dott Graham Forbes John Gilston Lawson Dando Bina Williamson Claire Smith
Na rede
http://www.theincrediblestringband.com/

The Incredible String Band (ás veces abreviado como ISB) foi unha banda escocesa de folk psicodélico formada por Clive Palmer, Robin Williamson e Mike Heron en Edimburgo no ano 1966.^[1] O grupo tivo un número de seguidores considerable, especialmente entre a contracultura británica, e destacou cos seus álbums The 5000 Spirits or the Layers of the Onion, The Hangman's Beautiful Daughter, e Wee Tam and the Big Huge. Foron pioneiros no folk psicodélico e, a través da integración dunha gran variedade de formas de música tradicional, no desenvolvemento da world music.

Tras a temperá marcha de Palmer, Williamson e Heron actuaron como dúo, incorporando despois a outros músicos. A banda separouse en 1974. No ano 1999 reformouse e continuou tocando con distintas formacións ata 2006.