The Beatles: Eight Days a Week – The Touring Years é un filme documental británico-estadounidense de 2016 dirixido por Ron Howard. Trata sobre a carreira de The Beatles durante os seus anos de xiras internacionais entre 1962 e 1966, dende as súas actuacións no Cavern Club en Liverpool ao seu derradeiro concerto en San Francisco en 1966.
Estreouse nos cinemas do Reino Unido e dos Estados Unidos o 15 de setembro de 2016, e estreouse en Hulu o 17 de setembro de 2016.
Produción
O filme foi producido coa colaboración dos Beatles superviventes Paul McCartney, Ringo Starr, xunto con Yoko Ono e Olivia Harrison, viúvas de John Lennon e George Harrison.[3][4] Ademais de dirixir o documental, Ron Howard tamén traballou como produtor xunto a Brian Grazer, Nigel Sinclair e Scott Pascucci.[5] Escrito por Mark Monroe, o filme foi editado por Paul Crowder.[5] Marc Ambrose exerceu como produtor supervisor.
Estrea
O proxecto do filme foi anunciado por Hulu o 4 de maio de 2016 como a súa primeira adquisición documental, como parte dunha colección planificada de Hulu Documentary Films.[4] Estreouse nos cinemas o 15 de setembro, antes de estrearse no servizo de streaming o 17 de setembro.[5]
Notas
.svg){kind=small}
