Tall Dwarfs

Tall Dwarfs
OrixeNova Zelandia Nova Zelandia
Período1981 - presente
Xénero(s)lo-fi, indie rock, rock experimental
Selo(s) discográfico(s)Flying Nun Records
MembrosChris Knox
Alec Bathgate
Na rede
https://talldwarfs.bandcamp.com/
Musicbrainz: a5239c4f-0eb4-42d7-bf39-0fe186a7a81a Discogs: 261407 Editar o valor en Wikidata

Tall Dwarfs é unha banda de rock de Nova Zelandia formada no ano 1981 por Chris Knox e Alec Bathgate, que foi unha das pioneiras do xénero lo-fi da música rock.[1] Os dous levaban tocando xuntos dende 1977, primeiro en The Enemy e despois en Toy Love.[2]

A banda non ten batería, pero usa obxectos domésticos e palmadas para actuar como percusión. Os dous membros poden tocar a guitarra, aparecendo habitualmente guitarra de 12 cordas e baixo nas súas gravacións. Tamén poden tocar o órgano, instrumento que usaron nalgunhas das súas cancións. Tamén usan con frecuencia o Casiotone, especialmente ao vivo.

A súa estrea foi o EP Three Songs (1981), e durante moitos anos só publicaron EPs. Weeville (1990) foi o seu primeiro álbum.[1] Porén, publicaron unha serie de compilacións completas dos seus EP, como Hello Cruel World e The Short and Sick of It.

No libreto do seu álbum 3 EPs (1994) pediron aos oíntes pistas rítmicas.[3] As respostas viñeron de moitos países diferentes e utilizáronse para o seguinte álbum, Stumpy (1997). Este álbum foi acreditado a "International Tall Dwarfs."

Entre os artistas que afirmaron estar influenciadas polos Tall Dwarfs inclúense Guided by Voices,[4] Jay Reatard,[4] Superchunk,[4] Elf Power,[4] Neutral Milk Hotel[5] e Olivia Tremor Control.[5] En 2005, fixeron un pequeno número de concertos nos Estados Unidos, tocando con Olivia Tremor Control.[6]

Discografía

Álbums

Álbum Ano Selo
Weeville 1990 Flying Nun Records
Fork Songs 1991 Flying Nun Records
3 EPs 1994 Flying Nun Records
Stumpy 1996 Flying Nun Records
Fifty Flavours of Glue 1998 Flying Nun Records
The Sky Above the Mud Below 2002 Flying Nun Records

Notas

  1. ↑ 1,0 1,1 "Tall Dwarfs Songs, Albums, Reviews, Bio & More...". AllMusic (en inglés). Consultado o 2024-09-23. 
  2. ↑ "Tall Dwarfs". Flying Nun (en inglés). Consultado o 2024-09-23. 
  3. ↑ "International Tall Dwarfs - Stumpy". Discogs. Consultado o 23 de setembro de 2024. 
  4. ↑ 4,0 4,1 4,2 4,3 "Tall Dwarfs announce 'Unravelled: 1981–2002' box set; full discography streaming for first time". BrooklynVegan. Consultado o 23 de setembro de 2024. 
  5. ↑ 5,0 5,1 Staff, Flavorwire (2009-06-15). "Nerd Alert: We’ll Take Any Excuse to Say Tall Dwarfs Are Awesome". Flavorwire (en inglés). Consultado o 2024-09-23. 
  6. ↑ "Tall Dwarfs To Tour USA". NZ Musician. 2016-01-05. Arquivado dende o orixinal o 05 de xaneiro de 2016. Consultado o 2024-09-23. 

Véxase tamén

Ligazóns externas