TUI fly Nordic

TUI fly Nordic
IATA
6B		OACI
BLX		Indicativo
BLUESCAN
Fundación1985 (como Transwede Airways)
Frota5
Destinos47
HoldingTUI Group
Páxina web: http://www.tuiflynordic.se

TUI fly Nordic é unha aeroliña chárter sueca con sede en Estocolmo que forma parte do TUI Group. A compañía opera voos a destinos de lecer dende varios aeroportos nos países nórdicos no nome dos turoperadores TUI Danmark (Dinamarca), TUI Suomi (Finlandia), TUI Norge (Noruega) e TUI Sverige (Suecia).

Historia

A aeroliña fundouse orixinalmente en 1985 como Transwede Airways, operando tanto voos chárter como regulares a destinos por toda Europa. En 1996 a parte chárter da compañía pasou a mans do turoperador sueco Fritidsresor e foi renomeada como Blue Scandinavia. Tras a compra de Fritidsresor por Thomson en 1998, a aeroliña pasou a chamarse Britannia Airways. Despois de que Preussag (TUI) mercase o Thomson Group en 2000 a aeroliña pasou a chamarse TUI fly Nordic en 2005.[1]

En 2015 TUI Group anunciou que cinco das súa aeroliñas filiais serían renomeadas como TUI Airlines, aínda que mantendo os seus propios certificados de operadores aéreos, tomando un tres anos en completarse o proceso. En 2017 a meirande parte dos avións estaban repintados coa nova librea “Dynamic Wave” e co novo nome.[2]

Frota

Boeing 737-800

En decembro de 2020 a frota de TUI fly Nordic estaba formada polos seguintes avións:[3]

Frota de TUI fly Nordic
Avión En servizo Pedidos Pasaxeiros Notas
Boeing 737-800 1 — 189
Boeing 737 MAX 8 2[4] 3 189 Os avións están almacenados debido aos problemas co modelo.
Boeing 767-300ER 2 — 328
Total 5 3

Notas

  1. ↑ "A review of flying with TUI airlines long-haul from Europe to the United States". Wanderlustingk (en inglés). 2018-11-01. Consultado o 2020-12-13. 
  2. ↑ "Arke Fly kicks off TUI Group rebranding exercise". ch-aviation (en inglés). Consultado o 2020-12-13. 
  3. ↑ Planespotters (ed.). "TUIfly Nordic Fleet Details and History". Consultado o 13 de decembro de 2020. 
  4. ↑ ch-aviation (ed.). "Sweden's TUI fly Nordic adds maiden B737 MAX 8". Consultado o 11 de xuño de 2018. 

Véxase tamén

Ligazóns externas